نیسان 25, 2019

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

غەزوان غازی:شەرم دیوارەكە ل بەرامبەر مرۆڤی

شەرم دیوارەكە ل بەرامبەر مرۆڤی
غەزوان غازی
شەرم هەستەكە مرۆڤ هەست پێ‌ دكت ب گەلەك رەنگێن جێواز بەرامبەر هندەك هەلویستێن مرۆڤ دكەفتە تێدا،هەر مرۆڤەكی لسەر روویێ‌ ئەردی یێ‌ بێ‌ بەهر نینە ژ شەرمێ‌ و شەرم ب دەروونێ‌ مرۆڤی ڤە گرێدایە و رادەیێ‌ وێ‌ ژ كەسەكی بۆ كەسەكی دی یا جێوازە،شەرم ب شێوەیەكی گشتی دبتە دوو جۆر یێ‌ ئێكێ‌ شەرما ئەرێنی( پۆزەتیڤ) هندەك هەلویست هەنە دڤێت مرۆڤ تێدا یێ‌ شەرمین بت،بۆ نموونە دەمێ‌ مێڤان بی ل جیەكی و دگەل هندەك مرۆڤان بی ئێكەم جار بت تە دیتین نابت گەلەك ب ئاخڤی و هەر بابەتەكی تە ڤیا ڤەكەی و بگری،چنكو هەستێن دەستپێكێ‌ بەردەوام دبن و باش بزانە پەیڤێن دەستپێكێ‌ كارتێكرنەكا زۆر دكەنە سەر مرۆڤی ئەگەر كەسەك بی گەلەك نە ئاخڤی یان وی دەمی باخڤی ئەو دەمێ‌ ئاخفتنا تە باشتربت ژ بێ‌ دەنگیا تە،جۆرێ‌ دوویێ‌ شەرما نەرێنی (نیگەتیڤ) ئەڤ جۆرە گەلەكی بەربەلاڤە دناڤ خەلكی دا و هندەك جاران ئەگەر یێ‌ شەرمین بی دێ‌ مافێ‌ تە ئێتە خوارن،بۆ نموونە نابت توو وەك قوتابی یێ‌ شەرمین بی د پۆلێ‌ دا یان توو هاتیە داخوازكرن بۆ جیەكی و توو شەرم كەی تێر خوارنێ‌ بخۆی نابت شەرم كەی،چنكو ئەگەر نە هاتبایە داخوازكرن توو بخۆ نە دچۆیە وی جی،هندەك جاران شەرم ناهێلت مرۆڤ بگەهتە ئارمانجا خۆ و دبتە رێگر بەرامبەر خەونێن مرۆڤی،ب دیتنا من شەرم دیوارەكە ل بەرامبەری مرۆڤی ئەگەر مرۆڤی ئەو دیوار شكاند ئێدی دێ‌ رادەكی كێم یێ‌ شەرمێ‌ مینت هەر وەك پشتی شكاندنا دیواری دێ‌ پاشماوەیەكی وی یێ‌ كێم مینت و نابت مرۆڤی شەرمەكا زێدە هەبت،چنكو ئەو یێ‌ شەرم نەكت یان شەرمەكا كێم هەی ئەو ژی وەك مە مرۆڤە،هەروەسا خێزانێ‌ رۆلەكێ‌ زۆر هەیە د پەروەردەكرنا زارۆكی دا دەمێ‌ دبێژت كورێ‌ من یان كچا من گەلەكا شەرمینە دەمێ‌ دچتە مێڤانیەكێ‌ ل وی دەمی دێ‌ زارۆك وەسا هزركت كو ئەڤ شەرمینا وی گەلەكا باشە بەلێ‌ بەروڤاژی.

 

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2018 by Lalish Media Network .   Developed by Ayman Qaidi.