تشرینی دووه‌م 15, 2019

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

عه‌لى عه‌ونى:توو کوردی یان ئێزدی؟

توو کوردی یان ئێزدی؟

عه‌لى عه‌ونى

ئەڤا سەری پرسیارەکە نە مەعقوولە ڕۆژانە گەلەگ خەلکێ نەزان ژ برایێن مە یێن ئێزدی دکەن،نە د کێمن ئەو ئیسلامیێن کورد، گاڤا بکەڤنە بەرپرسیارێ( تو کوردی یان موسلمان) هەر زوو یاریێن خۆ ب کوردبوونێ دکەن و ب شانازیڤە شوناسێ خۆیێ ئاینی دئێخنە بەری شوناسێ نەتەوەی، ئیسلامی و دیندارێن توندڕەو د بەرسڤا ڤێ پرسیارێ دا هەتا سنوورێ کو یاریێت خۆ ب نشتیمان و نەتەوەی دچن، گەلەگ جارا من ژ خەلکێ ئیسلامی بهیستیە دبێژن بزاڤا نەتەوەییا کوردستانێ، پلانا وەڵاتێن کافرە ژبۆ لاوازبوونا ئووممەتا ئیسلامێ…!،ئەڤە ل دەڤ وان شیوعیێن کورد ناڤ حزبێ شیوعیێن سەر ب نەتەوەتیین داگیرگەرێن کوردستانێ ژی هەر وەسا بوویە، و ل هزرا مەیە ناڤێ کوردستانێ ب (قلیاسان) ب ناڤ دکرن،خۆ دیتنا برایێن ئیزدی ب ئێزدیبوون هیچ زەرەرەک بۆ نەتەوە و نشتیمانێ کوردستانێ نینە، هندی کو د ئێزدیتر بن گریدانا وان ب کوردبوون و کوردستانێ زێدەتر دبیت، ئەو نابنە بەشەک ژ ئووممەتا عەرەب و تورک و فارسان، ئەو نابنە بەشەک ژ چینا پرۆلیتاریا سەر ب سۆفیەت و چین و ئەلبانیا…!،خێرە کەس رەخمێ ل وان کوردان ناگرت یین کو دبیژن ئەم ئیسلامین و ل گەل چینا کریکارانە..هتد، بەلـێ ئەگەر ئیزدییەکی ژبۆ پاراستنا و هەڕەشەیا شوناسێ خۆ گۆت ئەز ئێزدیمە و نە کوردم هەموو هیڕشێ دکەنە سەر؟؟،ئەو ب زمان و میــژوو و هۆنەر و ئاین و دوعا و نڤیژ و کەلتوور و داب و نەرێت و نشتیمان کوردستانینە، خورتبوونا باوەریا وان ب ئێزدییاتیێ، خورتبوونا وانە ل گەل نشتیمان و گەلی، هەڕن چارەیەکێ ل وان بکەن کو بناڤێ باوەری ب ئیسلامێ و ب ئایدۆلۆژیڤە دژی کوردستانەکا سەربەخۆن.

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2018 by Lalish Media Network .   Developed by Ayman Qaidi.