تشرینی یه‌كه‌م 22, 2019

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

عزەت برۆ:چاوانیا بدەستڤەئینانا باوەری بخۆبوونێ‌

چاوانیا بدەستڤەئینانا باوەری بخۆبوونێ‌
عزەت برۆ/ڤەكولەرێ‌ جڤاكی
باوەری بخۆبوون حالەتەكی هەستیارێ‌ دەروونی یە و دیار دبت ژ رەوشت و رەفتارێن هەر كەسی دژیانا رۆژانە دا ، و پێك هاتیە ژ كۆمەكا بیروباوەرا دناخێ‌ مرۆڤی دا دروست دبت ب رێیا لڤینێن مرۆڤی و ئەو كارێن ئەنجام ددەت نیشانێن وێ‌ دیار دبت،كەسێ‌ باوەری بخۆ نەی یان باوەری بخۆبوونا وان یە لاواز تووشی گەلەك ئاریشا دبن و هەردەم هەست ب دوو دلیێ‌ دكن و شیانێن چارەسەركرنا ئاریشێن خۆ نینن و بارێ‌ وان یێ‌ دەروونی نە یێ‌ جێگرە نكارن ب شێوەیەكی گونجایی رووبروی ئاستەنگێن ژیانێ‌ ببن و هەردەم گازندا ژ دەورووبەرێن خۆ دكن و وەسا هزر دكن هەموو كەس دژی وانە.
چەندین رێ‌ بۆ بدەستڤەئینانا باوەری بخۆبوونێ‌:
1_دڤێت مرۆڤ مێشكێ‌ خۆ ڤەكەت بۆ وەرگرتن و فێربوونا تشتێن نوو،چنكو چەند مرۆڤی بتر پێزانین هەبن دێ‌ بتر باوەری بخۆ هەبت.
2_پەیڤا (نكارم) ژ فەرهەنگا خۆ ژێببە و ل جیێ‌ وێ‌ پەیڤا ( ئەزدكارم) بكاربینە و بلا تە باوەری بخۆ هەبت توو دكاری هەموو كاران ئەنجام بدەی.
3_هەڤالینیا وان كەسا بكە هەردەم یێ‌ گەشبین و خودان ئارمانج بن.
4_دەمەكی ئارام و بێ‌ دەنگ بخۆ هەلبژێرە رۆژانە چەند خۆلەكەكا بتنێ‌ روونە و هەلسەنگاندنا خۆ بكە.
5_باوەریێ‌ بخۆ چێكە كو توو دكاری بریارێن راست بدەی و مفایی ژ شیانێن خۆ وەربگرە.
6_رووبرووی وان ئاستەنگا ببە توو ژێ‌ دترسی دژیانێ‌ دا و هەول بدە تاقی بكە شارەزایێ‌ لسەر وەربگرە ئەڤ چەندە دێ‌ بتە ئەگەرێ‌ هندێ‌ تە بتر باوەری بخۆ هەبت.
7_ئەو هەلویستێ‌ تە باوەری پێ‌ هەی و ب كلیلا سەركەفتنێ‌ خۆ دزانی لسەر بەردەوام بە و بتر بزاڤا گەهشتنا وان بكە.
8_بلا هەردەم هزرێن تە پۆزەتیف بن.
9_دیاركرنا ئارمانجا بۆ هەموو كاران.
10_دروستكرنا هەستێ‌ لێبۆرینێ‌ و پەیوەندیێن جڤاكی یێن باش.

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2018 by Lalish Media Network .   Developed by Ayman Qaidi.