كانونی یه‌كه‌م 06, 2019

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

عزەت برۆ:هندەك رێیێن گونجایی بۆ خووندنەكا كاریگەر و ب مفا

هندەك رێیێن گونجایی بۆ خووندنەكا كاریگەر و ب مفا
عزەت برۆ
ئێك:دەمەكی دەست نیشان بكە كو رۆژانە دوی دەمی دا بخوونی(خووندنا رۆژانە،ئەركێ‌ مال) خۆ ئەگەر بۆ دەمەكی كێم ژی بت ئەڤ چەندە ناهێلت ژ خووندنێ‌ دوور ببی،و لیستەكێ‌ دروست بكە دەمێ‌ خۆ لسەر بابەتا دابەش بكە.
دوو:مەبەستا هەر وانەكێ‌ بزانە بەری ژ پۆلێ‌ دەركەڤی،و دانوستاندنێ‌ بكە د وانێ‌ دا بڤێ‌ چەندێ‌ دێ‌ زووتر بابەتی تێگەهی و دەمێ‌ خووندنا خۆ كێم كەی.
سێ‌:دیاركرنا دەمێ‌ پێتڤی بۆ هەر وانەكێ‌ دێ‌ هۆسا ل تەكت ب زیرەكانا بخوونی و بەرهەمێ‌ خووندنا تە دێ‌ زێدەتر بت.
چار:باشترە توو وانێ‌ بخوونی بەری مامۆستا دەست پێ‌ بكت.
پێنج:دەمێ‌ توو دخوونی چەند خۆلەكەكا تەرخان بكە بۆ پێداچۆنا بابەتێ‌ پێشتر،دبتە ئەگەرێ‌ ڤەگوهاستنا بابەتێ‌ پێشتر بۆ ناڤ میمورێ‌ درێژخایەن د مێشكی دا،هۆسا دكت كو دەمەكی كێمتر بڤێت بۆ خۆ ئامادەكرنێ‌ بۆ تاقیكرنێ‌.
شەش:رۆژێ‌ هەلبژێرە بۆ خووندنێ‌ باشترە ژ شەڤ چنكو هزرێن مرۆڤی ب رۆژ چالاكترن ژ شەڤ بتر شیانێ‌ وەرگرتنا پێزانینا هەنە،ئەگەر تە ب شەڤ خووند دەمێ‌ راوەستیانێ‌ و داوی ئینانێ‌ دیاربكە داكو دەمەكی باش بۆ نڤستنێ‌ هەبت داكو هەست ب وەستیانێ‌ نەكەی.
هەفت:(30-40 )خۆلەكا بخوونە پاشی (5) خۆلەكا بێهنە خۆ ڤەدا،ئەگەر توو (50) خۆلەكا بخوونی (10) خۆلەكا بێهنا خۆ ڤەدا،گڤاشتنێ‌ لسەر خۆ راكە هندەك ئاڤێ‌ ڤەخۆ یان شیر یان فێقی بخۆ.
هەشت:هەولبدە ل دەمێ‌ دخوونی بتر ژ هەستەكی خۆ بكاربینە،چنكو دێ‌ بتە ئەگەرێ‌ هندێ‌ باشتر بابەتی تێبگەهی و زوو ژ بیر نەكەی.
نەه:دەمێ‌ دخوونی مەرەما وانێ‌ تێبگەهە و شلۆڤەبكە خۆ ژ ژبەركرنێ‌ (دەرخ)ێ‌ دوور بكە چنكو ئەگەر توو وانێ‌ (دەرخ) بكەی دی زوو ژ بیركەی،یا ب زەحمەتە ل دەمێ‌ ئەزموونێ‌ بێتە بیرا تە.
دەه:ل دەمێ‌ ئەزموونێ‌ هەموو پێتڤیێن ئەزموونێ‌ دگەل خۆ ببە،پرسیاران ب باشی بخوونە، پرسیارا توو بەرسڤا وێ‌ بزانی دەستپێكێ‌ بەرسڤ بدە داكو دەمێ‌ تە ژ خۆ نەچت.

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2018 by Lalish Media Network .   Developed by Ayman Qaidi.