تشرینی یه‌كه‌م 17, 2019

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

عزەت برۆ:فۆبیا جڤاكی

فۆبیا جڤاكی
عزەت برۆ
فۆبیا جڤاكی پێكهاتیە ژ ترس و دوودلیێ‌ و نە گونجاندنا كەسی هەست ب نە ئارامیێ‌ دكت دەمێ‌ دزانت دێ‌ رووبروویێ‌ مەوقفەكی جڤاكی دبت هەست ب ترسەكا مەزن دكت،هوسا هزر دكت هندەك كەسێن چاڤدێریا وی دكن یان رەخنێ‌ لێ‌ دكن ژبەر ڤێ‌ چەندێ‌ ترس ژ تێكەلیا جڤاكی هەیە زوو ب زوو بەشداریێ‌ د هەلكەفتێ‌ جڤاكی دا ناكەت و پەیوەندیێ‌ جڤاكی نینن،چەندین فاكتەر هەنە دبنە ئەگەرێ‌ فوبیا جڤاكی وەك فاكتەرێن جڤاكی و دەروونی و بایلوجی كارتێكرن هەیە لسەر سەرهلدانا فوبیا جڤاكی،بۆ نموونە ئەو دەیك وبابێن گەلەك زێدە گرنگیێ‌ ددەنە زارۆكێن خۆ و دەلال دكن نەهێلن بەشداریێ‌ د چالاكیێ‌ جڤاكی دا بكن هەروەسا ببن رێگر كو زارۆك خۆشیێ‌ ژ زارۆكانیا خۆ ببینت و زارۆكێن فێری هاریكاری و دانوستاندنێ‌ نەكن دەمێ‌ ئەڤ زارۆك مەزن دبن دبت بتر ژ زارۆكێن دی تووشی فوبیا جڤاكی ببن،هەروەسا نەخۆشی و كاودانێ‌ ژیانێ‌ دبنە ئەگەرێن فوبیا جڤاكی دیسان فاكتەرێن بۆماوەیی كارتێكرنەكا دیار لسەر فوبیا جڤاكی هەیە ژبەرئاستێ‌ نە هەڤسەنگیا هۆرمۆنێن سیروتونین و دوپامین و گامائەمینوتاریك ئەسید، هەروەسا فوبیا جڤاكی چەند نیشان هەیە ل نك كەسێن تووشبوویی دیار دبن دەمێن رووبرووی خەلكی دبت وەك كۆئەندامێ‌ هەناسێ‌ نە ئارامیا هەناسەدانێ‌ و هەستكرن ب خەندقینێ‌،هەروەسا كوئەندامێ‌ هەرسێ‌ دەڤ حشك بوون ودل لێدان و ئێشانا رۆڤیكا ،هەروەسا ئێشانا دەمارا و زوو میزكرن و سەرگێژبوون وترس ژ مرنێ‌ كەسێن تووشی ڤێ‌ نەخۆشیێ‌ بووی نكارت دناڤ خەلكی دا باخڤت و ترس ژ مرۆڤێ‌ بیانی هەیە،هەروەسا نەوێرت بتنێ‌ بجچتە جیەكی یان بازاری،ئەگەر فوبیا جڤاكی نەئێتە چارەسەركرن دێ‌ بتە ئەگەرێ‌ سنوورداركرنا چالاكیێت جڤاكی و كەسێ‌ تووشبوویی تووشی چەندین نەخۆشی و گرفتا دكت وەك بكارئینانا مەی و مادێن بێ‌ هۆشكەر هەتا بكارت لسەر خۆ زال بت و بەشداریێ‌ دهەلكەفتێ‌ جڤاكی دا بكت،بەلێ‌ بكارئینانا ڤان جۆرە ماددا دێ‌ ساخلەمیا وی خرابتر كت بتر تووشی ئاریشا كت،هەروسا دێ‌ بتە ئەگەرێن هندێ‌ شیانێ‌ كاركرنێ‌ نەمینت یان كارێ‌ وی ژ دەست بچت و ژخووندنێ‌ دوور بكەڤت چنكو نكارت بەردەوامیێ‌ بدەتە ژیانێ‌،رێیێن چارەسەریا فوبیا جڤاكی:جارەسەریا سلوكی و معرفی و هەروەسا چارەسەریا نەهێلانا دوو دلیێ‌ و راهێنانا لسەر بەشداریكرن د هەلكەفتێ‌ جڤاكی دا و چێكرنا پەیوەندیێن جڤاكی یێن باش و بكارئینانا دەرمانا بۆ ماوەیەكی دیاركری لژێر چاڤدێریا نۆژداران دا.

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2018 by Lalish Media Network .   Developed by Ayman Qaidi.