شوبات 18, 2020

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

عزەت برۆ:سترێس(فشار)

سترێس(فشار)
عزەت برۆ
سترێس یان فشارا دەروونی ل ڤی سەردەمی گەلەك باندۆرا خۆ لسەر ژیان و تەندرۆستیا مرۆڤی یا لەشی و دەروونی هەیە،گەلەك كەس تووشی سترێس و نەخۆشیا دەروونی بووینە،ئەڤ سترێسە كارتێكرنەكا نێگەتیڤ لسەر ژیانا وان كەسان دكت،ئەگەر ئەڤ سترێسە بۆ ماوەیەكی درێژ ما دێ‌ بتە ئەگەرێ‌ نەخۆشیێت دەروونی تایبەتی ل نك وان كەسێن بەرهەڤیەكا بۆماوەیی هەی یان ئەو كەسێن خودان كەسایەتیەكا لاواز و رەشبین وشیانێ‌ چارەسەركرنا ئاریشێن خو نەبت،ژیانا نهۆ یا پرە ژ سترێسێ‌ ژینگەهی یێن جودا جودا چەندین بابەت هەنە دبنە ئەگەرێ‌ سترێسێ‌ وەك فشارا كاری گەلەك كەس هەنە كارەكی دكن حەز لسەر نینە،بەلێ‌ ژبەر بارودۆخێ‌ ژیانێ‌ یێ‌ ناچارە كاربكت یان ئەو دراڤێ‌ وەردگرت نەیی بەرامبەر وەستیانە وی یە هەروەسا فشارا هەڤژینیێ‌ نەگونجاندن یان نە هەڤسەنگیا هەڤژینیێ‌ ژبەر جوداهیا تەمەنی یان بارێ‌ جڤاكی و رەوشەنبیری و جۆرێ‌ كەسایەتیێ‌ دیسان فشارا جڤاكی نەبوونا پەیوەندیێ‌ جڤاكی یان مایتێكرنا خەلكی ب ژیانا تاكەكەسی یا مرۆڤی ڤە هەروەسا فشارا تەندرۆستی هەبوونا نەخۆشێن لەشی یان دەروونی بەردەوام سەرەدانا نۆژدارا بكارئینانە دەرمانە،هەر چەند ژیان پێش بكەڤت ئالۆزتر دبت و پێتڤیێ‌ مرۆڤی زێدەتر دبن دڤێت مرۆڤ ۆ بتر ماندی بكت بۆ بدەستڤەئینانا وان پێتڤیا ئەو ماندی بوونە دبتە ئەگەرێ‌ فشارێ‌ بۆ لەشی و دەروونی مێشكی،كەسێن فشار لسەر هەی چەند نیشانەك ل نك هەنە:نیشانێ‌ دەروونی وەك تۆرەبوون و وەستیان وتێكچۆنا خەوێ‌ و وسواسی ودوودلی د بریاردانێ‌ دا و نەبوونا باوەری بخۆبوونێ‌،هەوەسا نیشانێ‌ رەفتارێ‌ وەك ئاخفتنێن نەخۆش و نەبوونا كۆنترۆلكرنا رەفتارێن خۆ یێن شەركەر و تێكچۆنا خوارنێ‌،ئەم چاوا خۆ ژ سترێسێ‌ دوور بكەین دڤێت ئەم گهۆرینێ‌ د شێوازێ‌ هزركرنا خۆدا بكن نابت ئەم یێ‌ رەشبین بن بۆ ژیانێ‌ و ب چاڤەكێ‌ نیگەتیڤ بەرێ‌ خۆ بدەینە هەموو تشتا دڤێت ئەم باوەریێ‌ ل ل نك خۆ زێدە بكەین و خۆ ژ دوودلی و ترسێ‌ خلاس بكەین بتر حەش ژیانێ‌ بكەین وئاریشێن خۆ ب رێێن گونجای چارەسەر بكەین و هەست ب بەرپرسایەتیێ‌ بكن،هەروەسا رەفتارێن خۆ بگهۆرن، نابت مرۆڤ كارێ‌ خۆ پاش بێخت چنكو ل داویێ‌ دێ‌ زێدە بن مرۆڤ شیانێ‌ ئەنجام دانا وان نامینت دێ‌ فشار سەر مرۆڤی چێبت، هەروەسا كرنا وەرزشێ‌ رۆژانە و ب رێك و پێكی باشترین چارەسەریی یە بۆ كێمكرنا فشارا و هەروەسا سیستەمەكی خوارنێ‌ یێ‌ تەندروست و زێدەخوارنا فێقی و كەسكاتیێ‌ و خۆ دووركرن ژ شریناهیان.

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2018 by Lalish Media Network .   Developed by Ayman Qaidi.