تشرینی دووه‌م 17, 2019

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

شێرزاد نایف:ئاجاتا كرستی و لالشا نوورانی!

ئاجاتا كرستی و لالشا نوورانی!
شێرزاد نایف
((توو نهۆ بەر ب مەزارگەها پیرۆزا شێخادی ڤە دچی، یا كو دكەڤتە ناڤا گر و چیایێن كوردان، ل نێزیك مووسلێ‌،ئەز باوەر ناكەم جیەكی دی ل جیهانێ‌ هەبت وەكی ڤی جی یێ‌ جوان و دلڤەكەر و ئارام بت،توو دكەڤیە دناڤ چیایان دا دناڤ دارێن مازی و هناران دا، لگەل زنجیرەكا چیای بایەكێ‌ پاك و خۆش، ژ نشكەكێڤە توو سەرێ‌ دوو پرجێن سپی یێن پیرۆز دبینی هەر تشت ل ڤێدەرێ‌ یێ‌ ئارامە و ژیانەكا پری تەناهیە،د نیڤا گەلی دا دێ‌ بینی باخچەیەكێ‌ تژی دار و كانیێن ئاڤێ‌ یە،خزمەتكارێن مەزارگەهی مرۆڤێن رووخۆش و دێم پری ڤیان و هەڤالینی و مرۆڤایەتینە،ئەو چایێ‌ بۆ مە دئینن توو دناڤ ڤێ‌ ژینگەها پاك و ئارام و دلڤەكەر دا دروونی و چایێ‌ ڤەدخۆیی))،ئەڤە دەقێ‌ چیرۆكنڤیسا ناڤدارا بریتانی ئاجاتا كرستی یە، نڤیسەرا بریتانی یا ناڤدار، خوەدیا بتری ملیۆن دانە ژ پەرتۆكێن وێ‌ هاتینە فرۆتن ب زمانێ‌ ئنگلیزی و بتری ملیۆن كۆپیا هاتینە وەرگێران بۆ زمانێن جیهانی كو دبنە (44)زمان،كو درۆمانا خۆ دا یا ب ناڤێ‌ (Come, Tell Me How You Live )وەرە بێژە من توو چاوا دژی؟. كو ل ئەیلۆلا ئیسالە ئەڤ پەرتۆكە بۆ جارا ددویان هاتیە چاپكرن ڤە و چیرۆك بۆ جارا یەكان ل سالا(1946)ێ‌ هاتبوو چاپكرن،لدوڤ گۆتارەكا نڤیسەرێ‌ كورد رزگار كێستەیی ل رۆژناما ئەڤرۆ و ئەكاتونتێ‌ خۆ یێ‌ فەیسبۆكی ژی بەلاڤكریە و بەری وی ژی نڤیسەرێ‌ ناڤدار ئیسماعیل بادی ژی هەر د ڤێ‌ رۆژنامێ‌ دا و ب زمانێ‌ عەرەبی بەلاڤكریە، و د پەرتۆكا خۆ دا یا عەرەبی (جواهر المبدعین) دا ب تێر و تەسل لێكۆلیە، و داخواز هەر هینگی كریە كو بایەخ بێتە دان بڤێ‌ مژارێ‌ كو بەحسێ‌ ئێزدیان كریە بێتە وەرگێران بۆ زمانێ‌ كوردی، بەلێ‌ هەر وەكو ئەڤ چەندە ب ئەتیڤی نەهاتیەكرن، هەروەسا دكتۆر صباح الناصری و ل مدونە ما بین دجلە و الفرات دا، دیاردكن كو ل ساڵێن سیهان دا لگەل هەڤژینێ‌ خۆ یێ‌ دویێ‌ زانایێ‌ شووناس ماكس مالون، گەڕیانەكێ‌ ژبۆ سووریێ‌ و كوردستانێ‌ دكت و وێ‌ گەڕیانێ‌ دكەتە رۆمان،دڤێ‌ رۆمانێ‌ دا ل دوو جیان ب شێوەیەكی گەلەك بالكێش بەحسا كوردان دڤێ‌ رۆمانا خۆ دا دكت، جارەكێ‌ بەحسا ژنێن كورد دكت و ژ یێن عەرەب جودا دخوونت و ب باشتر ل قەلەم ددەت و دگەل دا ژی بەحسا زەلامێ‌ كورد دكت كو شێوێ‌ لۆرد كچنەرێ‌ بریتانی ددەن،دبێژت دەمێ‌ زارۆكیا من وێنەیەكی وی هەردەم ب ژۆرا من ڤە یێ‌ هەلاویستی بوو،دێمەكێ‌ سۆرێ‌ تژی،سمبێلێن قەهوایێن تژی و مەزن، چاڤێن شین، لگەل لەشەكێ‌ موكوم و راوەستانەكا لەشكەری،ئەڤ سالۆخە بتر دنڤیسینا كێستەیی دا ل رۆژناما ئەڤرۆ یا پێنجی مەها دەها بۆری ژمارە تێر و تەسل بەحس دكت، لێ‌ ژ بەركو فۆكسا من ل وەسفا لالشا نوورانی یە من ژی نەمایشكریە كو بمینت دناڤا لاپەرێن نوورانی دا،ئەوا كاك ئسماعیل بادی د پەرتۆكا خۆ دا (جواهر المبدعین) دیاركری كو دەمێ‌ ئاجاتایێ‌ دەمێ‌ چاڤ ب هندەك ئەرمەن و ئێزدیان كەفتی كو ژ پشت توخووبێن توركی هاتین،بەحسا ئێزدیان دكت كو ئێزدی زەلامێن مرۆڤاهینە خەریبی لسەر روویێ‌ وان دئێتە دیتن، تووشی هندێ‌ نە كو ببنە قووربانی، و ساناهی یە دئێنە كەشاندن،ل گوندێ‌ شاغر بازار كرێكارەكێ‌ ئێزدی دئێتە دەف و گلەیێ‌ بۆ دكت كو ستەمەكا زۆر لێ‌ هاتیە كرن و دیارە كو لەشێ‌ وی گەلەكێ‌ لاوازبووی ژبەركو ئاڤ بدەست نەكەفتیە،لەورا نكارە كار بكت ژبەر نەبوونا ئاڤێ‌ ئاجاتا دبێژت، ئەڤە ئاڤە، توو بۆچی ناڤخوەی؟ وی ژی گۆت نەشێم ڤەخۆم، چنكو ئەز هاتیمە قەدەغەكرن ژ ڤێ‌ بیرێ‌ چنكو كورێ‌ شێخی خەس هاڤێتیە تێدا..،ئەڤجا ئاجاتا حێبەتیا خۆ دەردئێخت كو جارا ئێكێ‌ یە تشتەكی ژ ڤێ‌ ئۆلێ‌ دزانت و گەلەك بۆچۆنێن خۆ دەردبرت ب درێژی د پەرتۆكا بادی دا هاتیە دیسا ل دەرباری سەرەدانا وێ‌ بۆ لالشێ‌ ژی ژبلی ئەو تێكستێ‌ لسەری مە ئینایی،ئاماژێ‌ ددەتە وان بورج و مارێن رەش یێن لسەر رەخێن ئاڤاهی د نكراندی كو پیرۆزیا وێ‌ دزڤرت بۆ پاپۆرا نوح پێغەمبەری و بەحسا میری دكت و مەیان خاتوون و رۆلێ‌ وان، پاشی لدۆر وان میتۆلۆجی و نەریتێن وی جیێ‌ پیرۆز دكت هەر وەكو ئێزدی پێ‌ رادبن وێ‌ هەستا خۆ یا خۆش و جێواز دیار دكت یا پەرستگەها شێخادی كو جیەكە چوو جاران ژبیرا وێ‌ ناچت..،ئەڤنە هندەك مۆركن ژ رستەكەكا درێژ هیڤی دكەم ژ نڤیسەرێن لالشێ‌ خۆ لێ‌ بكەنە خودان.

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2018 by Lalish Media Network .   Developed by Ayman Qaidi.