حوزه‌یران 17, 2019

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

شێرزادێ‌ شێخەسنی:كوردەواری دناڤبەرا ئیسلامێ‌ و ئێزدیاتیێ‌ دا!

كوردەواری دناڤبەرا ئیسلامێ‌ و ئێزدیاتیێ‌ دا!
شێرزادێ‌ شێخەسنی
ل دەسپێكێ‌ ئەم كورد بووین، پاشی ئەم بووینە ئێزدی و پاشی موسلمان، كەڤناتیا ئێزدیاتیێ‌ هندەك ئاماژە و نیشان هەنە، كو ئێزدیاتی بەری ئیسلامەتیێ‌ هەبوو، بەلكو ژی كەڤنترین ئۆلانە لسەر رو,یێ‌ ئەردی،و پابەند و پێگرن ب میسۆلۆجی و دابونەریت و پرەنسیپێن ڤێ‌ ئۆلێ‌، دوور ژ وێ‌ بیردۆزەیا لاوازترین یا كو ژ نەژادێ‌ ئیسلامێ‌ دزڤرینت كو ژ ئیسلامەتی ڤەبوویە وەكو تیمەكێ‌ لدوڤ خەلیفە یەزید بن معاویەیی كەفتینە، یان ئەنیسەیێ‌ خارجی، و صوفی عودەی بن مسافرێ‌ ئەمەوی، لێ‌ ئەڤە ژ لاوازترین بیردۆزەیانە. بەلێ‌ هەتا نهۆ ئەو كلتۆر و سەروسیما و رەسانەتیا كوردینیێ‌ بتر ل جەم ئێزدیان مایە ژ كوردێن موسلمان، كو هەتا رادەكی ب كلتۆرێ‌ ئەرەبی داخباربووینە ئەو ژی ژبەر ئۆلا ئیسلامێ‌ كو پێغەمبەرێ‌ وێ‌ ئەرەبی بوو و زمانێ‌ قورئانا پیرۆزە لەورا، بەلێ‌ چنكو ئۆلا ئێزدیاتی ب نەتەوە ڤە هەردوو كوردەواری بووینە، دێ‌ بینی گەلەك پەیڤێن كوردی د خۆمالینە د ناڤ دەڤۆكا (بلا بیت) یا ئێزدیاتیێ‌، و مخابن مە وەكو دەزگەه و سازیێن رەوشەنبیری مفا ژێ‌ وەرنەگرتیە،سیمایەكێ‌ هەری بەرز و گرنگ من ل نك ئێزدیان دیتیە و وەرگرتیە، ئەو ژی دلسۆزی یە، ئەڤە وێ‌ رامانێ‌ نادەت كو موسلمان نە د دلسۆزن، بەلێ‌ هەكە ئەم ب گۆتن د دلسۆز بین، بەلێ‌ ئێزدی ب گۆتن و كریار دوەسانە، ب گرۆڤا هندێ‌ چەندی من تێكهەلیا هەر ئێزدیەكی كری، ژ دل بوویە هەڤالێ‌ من و بەلكو برایێ‌ من، واتە نەك هەڤالێ‌ سلاڤێ‌ و بەرژەوەندیێ‌ و هند،بەلكو ب دل گیان دبتە برا، دوور ژ وێ‌ تایبەتمەندیا حەرامبوونا خزماتیكرنێ‌،چنكو د ناڤا وان بخۆ ژی دا هەر تەخەكا ئێزدیاتیێ‌ خزماتیێ‌ و هەڤژینانیێ‌ لگەل هەڤدو ناكەن، ژبۆ پاراستنا تایبەتمەندیێن خۆ، بەلكو ئەو ب روح سەرەدەریێ‌ دكن، و نەمەرجە لەش و خوون تێكهەل ببن،چنكو مەرج گیانە و حەزژێكرن ژی (ل پشت سروشتی یە)، لەورا ژی ئەم دبهیستین دبێژن بۆ نموونە (جڤاتا رۆحانی ـ یان لالشا نوورانی و ..هتد)،لێكنێزیكبوونا ڤان هەردوو ئۆلان ژ تەڤلیكرنا گەلەك بیردۆزانە، سەرەرای پێكئانینا ئێزدیاتیێ‌ ژپێش هەزاران سالان، یا گەلەك ب ڤەگێران ژ زرادەشتیی یە، پشتی هنگی دبت هندەك گهۆرینێن رێخستی بسەر داهاتیە وەكو لسەردەمێ‌ عەباسی دا لگەل ئیسلامێ‌ و ئۆلێن ئیبراهیمی بگونجت،دبت ژی لسەردەمێ‌ خەلیفە مەئموون ژی ڤەگوهاستنەكا پێش چاڤ لسەر هاتبتە كرن ب گۆر هندەك ژێدەران، كو جارەكی مەئموون قەستا دیاربەركر كر، دەمێ‌ جەماوەری پێشوازیا وی كری، ئەوی هنگی ئێزدی دیتن و باندۆرا سەروبەرێ‌ وان كەفتە هزرا وی و پێ‌ حێبەتی بوو، لەورا داخواز ژێ‌ كر كو بێنە سەر ئۆلا ئیسلامەتیێ‌ یان وان نەفی بكت یان ژی بكوژت،هەر هنگی پشكەك ژێ‌ بووینە سابئە (مەندانیین)، خۆ د قورئانا پیرۆز دا ئەڤ ناڤە هاتیە (صابئون)، هندەك ژێ‌ زڤرینە ڤە ئێزدیاتیێ‌ و هندەك ژی هەتا ئیرۆ ماینە سابئیە،هەر ژ درێژیا دیرۆكێ‌ هەردەم كورد تووشی ستەمێ‌ و زۆریلێكرنا بووینە، بەلێ‌ هەكە كورد جارەكێ‌ تووش ببن، ئێزدی دوو جاران، ئێك ب ناڤێ‌ نەتەوێ‌ و ئێكێ‌ دژوارتر ژی ب ناڤێ‌ ئۆلێ‌، چوو مللەتان ژی وەكو وان فرمان و ژناڤبرن ب سەردا نەهاتیە وەكو وان، بەلێ‌ هەر كەسی نكاریە ئیرادەتا وان ژناڤ ببەت و تایبەتمەندیا وان نەهێلن،چنكو مللەتەكێ‌ رەسەنە و مینا زێرێ‌ خۆمالینە، هەكە ب من بت، هەر تاكەكێ‌ ئێزدی بۆ مە شونوارەكە و توحفەیە كو، شانازیێ‌ پێ‌ ببەین كو كوردن و باب وباپیرێن مە ئێك بوون ژ ئێك خووون و هەستی و نەژاد كلتۆرێ‌ مە یی كوردینیێ‌ بلند راگرتیە.

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2018 by Lalish Media Network .   Developed by Ayman Qaidi.