ته‌مموز 15, 2019

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

دلۆڤان ئەمجەد بارزانی:شنگـال و جینۆسایدكرن

شنگــال و جـینۆسایدكرن
دلــۆڤــان ئــەمــجــەد بـارزانـی
كەیسا شنگالێ‌ پێتڤیە ب جدی و بێ‌ راوەستان كار لسەر بێتەكرن و ب زوترین دەم ب جینۆساید بێتە ناساندن،چنكو خەلكێ‌ مە یێ‌ شنگالێ‌ ب تایبەتی خوشك و برایێن مە یێن ئێزدی كو كوردێن رەسەنن، چەندین كارەسات و دەربەدەركرن و فەرمانێن بسەرێ‌ ڤان هاتی ژلایێ‌ دوژمنان ڤە ب تایبەتی ئەڤ تاوانا ڤێ‌ داویێ‌ ئەڤا ل چەرخێ‌ بیست و ئێكێ‌ ژلایێ‌ چەكدارێن درندەێن(دەولەتا ئیسلامێ‌ یا عێراق و شام)ێ‌ ئەڤا هاتیە ناسكرن ب داعش كو هاتبوون ناڤێ‌ ئیسلامێ‌ خراب بكن و ئەو بخۆ ژی ل دژی ئیسلامێ‌ بوون،ل رێككەفتی(3/8/2014)ێ‌ هاتن ب تۆپ و تانك و چەكێن مەزن ڤە دەست بسەر شنگالێ‌ داگرت و داگیركر،لێ‌ خەم و كۆڤانا مەزن ئەو بوو وان هۆڤێن درندەیێن داعشێ‌ دەمێ‌ باژێرێ‌ شنگالێ‌ داگیركری و هاتینە دناڤ باژێری دا ئاكنجیێن شنگالێ‌ ئەڤێن ئەرەب ئازادكرن و سەربەست بەردان،چنكو ئەرەب بوون و ئارمانجا ڤان هۆڤێن دژی مرۆڤایەتیێ‌ كوشتن و ژناڤبرنا كوردان بوو ب گشتی و كوردێن ئێزدی ب تایبەتی، هەروەسا كوردێن موسلمان ژی زەلامێن وان كوشتن و دگەل خۆ دبرن لێ‌ بەلێ‌ كچ و ژنێن وان دەست لێ‌ نەددا چنكوو موسلمان بوون و ئەوان ژی خۆ ب ئیسلام هەلداڤە و خەونا هندێ‌ ددیت كو هەموو جیهانێ‌ داگیر بكن بێخنە دبن دەستێن دەولەتا ئیسلامێ‌ یا عێراق و شامێ‌ یا فاشست دا،لێ‌ بەلێ‌ خەونا وان پێشمەرگێن قەهرەمان ب سەرپەرشتیا سەرۆكێ‌ كارێزمایێ‌ هەرێما كوردستانێ‌ رێــزدار(مـسـعـوود بـارزانـی) بەتالكر و نەهێلا بگەهنە هیڤیا خۆ هەموو ژناڤبرن و ل كوردستانێ‌ دەرئێخستن،بەلێ‌ كوردێن رەسەنێن ئێزدی زەلامێن وان هەموو كۆمكوژ و ب ساخی بن ئاخكرن ب درەندەترین رەنگ ئەشكەنجە و ئازار دان ژێڤەكرنا دەست و سەر ژێكرن و چەندەها ئازارێن دی،هەروەسا یا ژ هەموویێ‌ نەخۆشتر كچ و ژنێن كوردێن مە یێن ئێزدی ب زۆری دگەل خۆ برن ل بازارێن كرین و فرۆتنا بەندا كرین و فرۆتن پێ‌ دهاتە كرن و ب زۆری ل چەكدار و ئەمیرێن داعشێ‌ دهاتنە مەهركرن و زۆرداری و دەست درێژیا سكسی دگەل دهاتەكرن كو ئەڤە مەزنترین تاوانە ل دژی مرۆڤایەتیێ‌،هەروەسا ب دارێ‌ زۆرێ‌ ئایینێ‌ ئیسلامێ‌ ل سەر د سەپاند و ب زۆرداری دكرنە موسلمان و نەچاركرن ئایینێ‌ خۆ بهێلن ببنە موسلمان ئەوێ‌ قەبول نەكربا ب خرابترین رەنگ دهاتە سزادان و كوشتن ب راستی مرۆڤایەتی نەمابوو زولم،كوشتن،سەرژێكرن، ب ساخی بن ئاخكرن، كۆمكوژكرن،دەست درێژیكرنا سكسی،ب زۆردار گهۆرینا ئایینی،سزادان… ب هەزارەها تاوانێن خراب و دل ب ئێش،ب مخابنی ژی ڤە دەولەتێن بیانی و جیران ب گشتی و ب تایبەتی رێكخراوێن ژنان و مافێ‌ مرۆڤان بێ‌ دەنگ و ماتمایێ‌ مان،ئەڤەیە جینۆسایدكرن پێتڤی بوو ئەڤ دەولەتێن بیانی و جیران بێ‌ دەنگ نەبان و كار كربا ب زووترین دەم كەیسا شنگال ب جینۆساید ناساندبا،ب هەزارەها گەنج و پیر و زارۆك و ئافرەت كۆمكوژكرن بێ‌ سووچ و سەبەب بتنێ‌ تاوانا وان ئەو بوو كو كوردن و ئایینێ‌ وان ئێزدیە،لەوما دڤێرە دا چەند پرسیارەك د مێشكێ‌ من دا یێن چێ‌ بووی و هەر هزر تێدا دكەم و پێتڤیە بەرسڤا وان بزانم،ئەو ژی_:ــ ئەرێ‌ كورد بوون تاوانە …؟_ئەرێ‌ ئەگەر ئایینێ‌ تە نە ژ یێ‌ وان بت و ئێزدی بی یان ئایینەكی دی بت تاوانەكا وەسا مەزنە كو بڤی رەنگی من ل سەری باس كری بێیە سزادان ..؟،_ ئەرێ‌ مرۆڤایەتی مەزنترە و پیرۆزترە یان ئایین …؟،ئەرێ‌ مرۆڤایەتی و ئایین دژی ئێكن …؟،_ ئەرێ‌ چێدبت ل جیهانێ‌ هەموو لسەر ئێك ئایین بن و ئایینێ‌ وان هەموو ئێك بت …؟،هیڤیدارم بەرسڤا پسیارێن من بێتە دان دا مێشكێ‌ من ئارام ببت!!…

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2018 by Lalish Media Network .   Developed by Ayman Qaidi.