ته‌مموز 15, 2019

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

خالد خدر:هێش چارەنڤیسێ‌ ب هەزاران كچ و ژن و زارۆكێن ئێزدیان هندایە؟

هێش چارەنڤیسێ‌ ب هەزاران كچ و ژن و زارۆكێن ئێزدیان هندایە؟
خالد خدر
راگەهاندنا سەركەفتنێ‌ ل هەموو جیان بەربەلاڤ بوو،ب تایبەت ژئالیێ‌ ئەوێن شەركەرین ل دژی تیرۆرستێن داعش ل سووریا ،پشتی كەفتنا داوی پێگەهـ و بنگەهێ‌ وان ل باغۆزا سووریا ب دەستێ‌ شەرڤانێت هەسەدێ‌ (هێزێن سووریا دیموكراتی)،سەركەفتن هاتە راگەهاندن لسەر تیرۆرستان و دەولەتا خیلافەتا داعشێ‌ ب داوی هات ل بەریا بتری دوو حەفتیا،تێتە زانین ل سالا(2011)ێ‌ دەستێ‌ تیرۆرێ‌ گەهشتبوو سووریا پشتی هەلبوونا شۆرەشێن بناڤێ‌ (بەهارا ئەرەبی)،ل ڤان رۆژێن بۆری ب دەهێن هەزارا تیرۆرست هاتینە دەستەسەركرن و هەموو ئەندامێن داعشێ‌ نە،داعش ژی مینا رێكخستیا قاعیدە هزرە و ئایدۆلۆژی یە و چ جارا هزر ژناڤ ناچن ، ب تایبەتی ل ڤێ‌ دەڤەرێ‌ كو دەڤەرەكا تێر ئاریشە و هەڤركی وناكۆكی یە ،رێكخستیا قاعیدە بهێز ل عێراقێ‌ دیار بوو پشتی ژناڤچۆنا رژێما بەعس ل عێراقێ‌ و ل داویێ‌ هاتە ژناڤبرن ل عێراقێ‌ پشتی كو ب هەزارا چەكدارێن وێ‌ هاتینە كوشتن ب تایبەتی پشتی كوشتنا سەركردێن وان یێن دیار وەك (ابو مصعەب زەرقاوی) ب دەستێ‌ هێزێن ئەمریكی،پشتی هنگی ب ناڤەكی دی دەركەت و پشتی شۆرەشا گەلێن سووریا هاتی دەستپێكرن ب شێوێ‌ مەدەنی پاشی ژ ڕێرەوا خۆ دەركەفت،و هەر گرۆپەكی رادیكال ل دەڤەرێ‌ هەبت هەموو ل سووریا كۆمبوون،ژبلی ڤێ‌ رێكخستیا ترسناك و تیرۆرستی گەلەكێن دی هاتنە دروستكرن ل سووریا وەك:بەرەی نووسرە و بزاڤا نورەین زەنگی و لیوا ئەلحەق و جیش ئەلسوننە و بەرەی ئەنصار ئەلدین و بەرەی ڤەكرنا شامێ‌ وپاشی بوو دەستەیا ڤەكرنا شامێ‌ و زێدەباری رێكخستیا قاعیدێ‌ یا كو ماكا هەموو رێكخستیێن تیرۆرستی ل دەڤەرێ‌، بكورت و كورمانجی راگەهاندنا سەركەفتنێ‌ لسەر تیرۆرێ‌ و ژناڤبرنا وێ‌ روودانەكا دوورپێچكریە ل جی و دەمێ‌ خۆدا ،لەوما تیرۆر دێ‌ مینت وەك هزروبیر ، و ژبەرهەمێ‌ تووندرەویێ‌ یە ئەڤجا نەهێلانا تووندرەویێ‌ باشترە ژ نەهێلانا تیرۆرێ‌ بخۆ چنكو قوتابخانەیە بۆ ئینانا هزروبیرێن ترسناك وتووندرەویێ‌ چ ئۆل و باوەر نینن تشتێ‌ گرنگ ئەرد و جوگرافیا هاتنە ئازادكرن ژ پیسترین رێكخستییا تیرۆرستی ل دنیایێ‌ و دواییا داعش ل باغۆزێ‌ نائێتە وێ‌ واتەیێ‌ كو تیرۆر و تووندرەوی هاتنە ژناڤبرن،تشتێ‌ دلخۆشكەر و جیێ‌ سەربلندی و سەرفەرازیێ‌ یە بۆ گەلێ‌ كورد، كو مەزنترین دەولەتا تیرۆرستی لسەر دەستێ‌ كوردان هاتە ژناڤبرن ،چ پێشمەرگێن قارەمان بن یان شەرڤانێت هەسەدێ‌ یێن كو بتریا وان لاوێن كوردانە كچ وكور ، بەلێ‌ جیێ‌ مخابنیێ‌ یە كو كوردان دڤێ‌ رێ‌ دا ب هەزارا قووربانی دان چ ل باشوورێ‌ كوردستانێ‌ یان ل رۆژئاڤایێ‌ كوردستانێ‌ ، و ئەو جینۆسایدا داعشێ‌ بسەرێ‌ كوردێن ئێزدی ئیناین چ جارا ل دیرۆكا نوو دا ڤێ‌ چەندێ‌ روونەدایە ،كوشتنا ب هەزارا زەلام و ژن وزارۆك وگرتنا ب هەزارا ژن وكچ و زارۆكێن ئێزدیان و فرۆتنا كچ و ژنا ل بازارێن مووسل و رەققایێ‌ وەك (سەبایا) ، و هەروەسا ئاوارەكرن ودەربەدركرنا ب سەدێن هەزارا ژ ئێزدیان،ب مخابنی ڤە ئەڤە داوی بنگەهێ‌ داعشێ‌ هاتە ژناڤبرن بەلێ‌ هێش ب هەزارا كچ و ژن وزارۆكێن ئێزدیان بێ‌ سەروشوونن و چارەنڤیسێ‌ وان هندایە ،دڤێ‌ هاوكێشا ئالۆزدا ئێزدی قووربانیێن پلە ئێكن و تووشی قڕكرنێ‌ بوون و هەتا نهۆ دانپێدان ب جینۆسایدا ئێزدیان نە هاتیە دان.

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2018 by Lalish Media Network .   Developed by Ayman Qaidi.