تشرینی دووه‌م 15, 2019

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

خالد خدر:ئێزدی تووشی مەزنترین جینۆسایدێ‌ بوون دچەرخێ‌ نوودا !

ئێزدی تووشی مەزنترین جینۆسایدێ‌ بوون دچەرخێ‌ نوودا !
خالد خدر
پشتی كو رێكخراوا تیرۆرستییا داعش پارێزگەها مووسل داگیركری ل 10ی تیرمەها 2014ێ‌، هێز و چەكدارێن خۆ خوورت كرن و شانێت وێ‌ یێن نڤستی رابوون و كەسانێن نەرازی و چەپەل گەهشتنێ‌ ژ هۆزێن سوننا ل دەڤەرێ‌ ،وپشتی چەكەكی زۆر و زەبەلاح كەفتی دەستێ‌ وان یێ‌ كو ژ لەشكەرێ‌ عیراقێ‌ مای بۆ وان، و داعش بوو خودانا چەكەكی جۆراوجۆر و مودێرن وپێشكەفتی لسەر ئاستێ‌ لەشكەری ، ژبلی ڤێ‌ ژئالیێ‌ ئابووری و دارایی ڤە ڤەژینەكا بەرچاڤ و دیار بخۆڤە گرت ،رێكخراوا تیرۆرستییا داعش باوەری ب ئایدۆلۆژییا وەهابی یا سەلەفیێ‌ و باوەرییەكا تووندرٍەو هەبوو ل دژی وان كەس و ئالیێ هەڤ دژ دگەل دیتن و ئایدلۆژییا داعش، و هەر وەسا ئەڤ رێكخراوا تیرۆرستی زۆریا جیواز بوو دگەل وان رێكخراو و گرۆپێن دی یێن رادیكال و تووندرٍەو دكار و كریارێن خۆدا ،كو دەست هاڤێتە كوشتنا ب كۆم و سەربرٍینێ‌ و تالانكرنێ‌ و رەڤاندنا مرۆڤان بتایبەتی ژن و زارۆكا چەكدارێن تیرۆرستێن داعش لرۆژا 2ی تەباخێ‌ سالا2014 هێرش كرە سەر دەڤەرا زمار و شەر دگەل پێشمەرگەی كرن و دئەنجام دا زمار ژ كوردان هاتە ڤالاكرن كو خەلكێ‌ وێ‌ هەمی ئاوارەی هەرێما كوردستانێ‌ بوو ، ول رۆژا 3ی تەباخا2014 داعش هێرش كرە سەر دەڤەرا شنگالێ‌ یا كو پتریا وێ‌ ئێزدی دئەنجام دا پیسترین رەفتار هاتنە ئەنجام دان ل دژی ئێزدیان ب هەزارا ژن و زەلام كوشتن و ب هەزارا كچ وژن و زارۆك رەڤاندن وكرین و فرۆتن ب كچ وژنا هاتە كرن ل بازارێن نەخاسێ‌ وملك ومال تالانكرن و داعشێ‌ ئەڤ چەندا هەنێ‌ هەمی كر ل دژی ئێزدیێن بێ‌ گونەه و ئاشتیخواز ل شنگالێ‌ ب پشت بەستن ب هندەك تێكستێن ئایینی و ئێزدی ب كافر ل قەلەمدان ، سەرەرایی كوشتن و رەڤاندن و سەبیكرنا ئێزدیان ژ ئالیێ‌ داعش ڤە ب سەدان هەزارێن كەسێن ئێزدی هاتنە ئاوارەكرن بۆ هەرێما كوردستانێ‌ و خەلكێ‌ كوردستانێ‌ پێشەوازییەكا گەرم ل وان كرن و دەرگەهێن مالێن خۆ قوتابخانا جهێن ئایینی بۆ وان ڤەكرن براستی كو چ جارا هەلویستێ‌ خەلكێ‌ كوردستانێ‌ ناهێتە ژبیركرن ل وێ‌ رۆژا سەخت ودژوار دا ، هەژییە بێژین كو ئێزدی تووشی مەزنترین جینۆسایدێ‌ بوون د چەرخێ‌ نوودا لسەر دەستێ‌ مەزنترین رێكخراوا تیرۆرستی دڤی سەردەمی دا ، ئەڤە پێنچ سال بۆرین لسەر وێ‌ كۆمكوژییا ئێزدیا بەلێ‌ هێشتا ئێزدی دنالن دناڤا ئێش و ئازاران د اكو ژیانەكا سەخت و دژوار دەرباز دكەن دناڤا كەمپان دا دوور ژ ئاخ و جهێن خۆ ژئالییەكی ڤە و ژ ئالییەكی دیڤە هێشتا چارەنڤیسێ‌ ب هەزارا ژ خەلكێ‌ ئێزدی یێ‌ كو هاتی رەڤاندن یی بەرزەیە و ژئالییەكی دیتر ڤە شنگال هێشتا كاڤلە و كێمترین مەرجێ‌ ژیانێ‌ لێ‌ پەیدا نابیت و مایە نە ئاڤەدانكری و یا ژ هەمیێ‌ پیستر و كامباختر ئەوە كو هێشتا شنگال یا داگیركریە ژئالیێ‌ چەندین گرۆپێن چەكدار و ژدەرڤەی یاسایێ‌ ، تشتێ‌ هەری دلخۆشكەر رۆژا 3یتەباخێ‌ وەك رۆژا جینۆسایدا ئێزدیان هاتیە پەسەند كرن ژئالیێ‌ پەرلەمانێ‌ كوردستانێ‌ ڤە هیڤیخوازین كو ئەو گرتی و هندابووین ئێزدیان یێن ماین بزوترین دەم بزڤرنەڤە ناڤ كەسوكارێت خۆ و شنگال بهێتە چۆلكرن ژ هێزێن بیانی و چەكدار و دیسا بهێتە ئاڤەدانكرن و خەلكێ‌ وێ‌ بزڤرنەڤە سەر جه و وارێن خۆ و ژیانەكا سەبلند وسەرفەراز و خۆشگۆزەران بریڤەببەن .

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2018 by Lalish Media Network .   Developed by Ayman Qaidi.