ئه‌یلول 23, 2019

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

خالد ئەحمەد بادی:بۆچی ئەنفال؟

بۆچی ئەنفال؟
خالد ئەحمەد بادی
ئەنفال پەیڤەكا قورئانا پیرۆزە بۆ پەیڤەكا دوژمنكارانە وتوند وخراب ولبن سیبەرا ناڤێ‌ خودایێ‌ مەزن وپەرتۆكا وی یا پیرۆز زالم وهۆڤ وتوندرەوا پەیڤا ئەنفال بۆ خۆ ومەرەمێن خۆ یێن كەسوكی و تایبەت بكار ئینایە،ئەنفال ئانكو ژێ‌ ستاندن وغەنائم و سورەتا ژمارە (8) دقورئانا پیرۆز دا،ئەنفال بۆ وان كەسان یێن دوژمناتیا خودێ‌ دكن وشریكا بۆ خودایی دروست دكن نە بۆ مللەتەكی بێتە بكارئینان یێ‌ ژمللەتێن جیهانێ‌ پێگیرتر وموسلمان تر وجوامێر تر كو ئەو ژی مللەتێ‌ كوردێ‌ قەهرەمانە و بتنێ‌ كوردان شەر وجەنگ بۆ ئایینێ‌ پیرۆزێ‌ ئیسلامێ‌ كریە و كوردان بەرگریكرنا ئایینی كریە و زۆر كارتێكرن ل كوردان هاتیە كرن كو نەبووینە دەولەت و بتر ژی ژبەر سەركردێ‌ مەزن و بناڤ و دەنگێ‌ كورد (صلاح الدین الایوبی)بوو،و هەر و ئەوان دەستهەلاتدار وحوكمرانێن ستەم بسەرێ‌ كوردان ئینایە یێن لبن ناڤ و ژێر ناڤێ‌ ئایینێ‌ ئیسلاما پیرۆز دپەیڤن و وان هزر نە دكر ونە ددیت كو كورد ژهەموو مللەتێن جیهانێ‌ گرێدایی ڤی ئایینێ‌ پیرۆزن و هەر ب وی ناڤی كورد هاتنە قركرن،ئێكەم جار هەوێن ئەنفالان دەستپێكرن ل دەڤەرا سلێمانیێ‌ وهەتا گەهشتیە دەڤەرێن دی و بادینان،هەزاران بەلگە و دكیۆمێنت و گرۆڤە هەنە كو ئەنفال بسەرێ‌ كوردان ئیناینە وكارەساتەكا مەزنە و ل جیهانێ‌ جەرگ هەژینە،ئەگەر سەیری هەموو پەرتۆكێن ئاسمانی وئایینێن خودایی كو رێ‌ ل كوشتن وخوون رێشتنا مرۆڤان گرتیە وب نە دروست كوشتن وخوون رێشتنا مرۆڤان وب تایبەت مرۆڤێن سڤیل و بێ‌ گونەه و وەلاتیێن ئاسایی كو هەموو ئایینان حەرام كریە و هەموو ئایینان ئایینێ‌ كریستیان و ئێزدی وموسلمانان ژی رێ‌ لڤێ‌ چەندێ‌ گرتیە ،لێ‌ نەهەنگ وهۆڤێن دەڤبخوینێن بەغدا زۆر ب ئاسانی و رۆژانە مرۆڤێن كورد ژ مەسیحی و ئێزدی وموسلمان وسنی وشیعی وتركمان وئەرەب وكریستیان وسابئە وشەبەك وكاكەیی دكوشتن وحكوماتێن عێراقێ‌ ب هەموو رێیان نكارین كۆنترۆلێ‌ لسەر كوردان بكن ب رێیێن ئابووری و سیاسی وكۆمەلایەتی وهزری ونەتەوەیی و ب رێیێن شەر وجەنگان وهەر كوردان ل كوردستانا باشوور سەركەفتن بدەستڤەئینان،لەوما حكومەتێن عیراقێ‌ یێن ئێك لدویڤ ئێك وتمامكەرێن بەرنامێن هەڤدوو نە بریار ئەنفالان دەركرن كو كوردان ب ڤێ‌ رێكێ‌ قر بكەن وهەوێن ئەنفالان دەست پێ‌ كرن لسالا (1988) ئەو سالا رەش تاری ومینا عەوەركێ‌ رەش ژلایێ‌ بەغدایێ‌ ڤە بەرەف كوردستانێ‌ ڤە هات ودگەل وان عەورێن رەش وتاری باروڤە ولێڤان وباران وگزلوكێن سیانید وخەردەل وتێزاب وگازێن كیمیاوی وموشەك وبومبێن قەدەغەكری مینا ناپالم وعنقودی هاتنە بكار ئینان وكارەساتێن مەزن دروست بوینە وڤان عەور وباروڤە وبابەلیسكێن مەزن وبترس كوردێن ئیزدی وكوردێن مەسیحی ویێن كریستیان وكوردێن موسلمان وسابئە وشیعیی وسنی وهەمی كەفتنە بەر ڤان باروڤە وبابەلیسك و پیڤەلەرزان و ب هەزاران خێزان وخەباتكەر بەرەف توركیا وئیرانێ‌ ڤە چۆن وهەردیسا ئەڤێن نەگەهەشتین خۆ قورتال بكن كەفتنە دەستێن دوژمنان ول ئوردیگەهێن ب خورتی چێكری یێ‌ بەحركێ‌ وجەژنیكان ل ناڤ ستری ولبەر هەتاڤ وبرس وتێنی وبێ‌ دەرمانان مان،لەوما سترانبێژ و هۆزانڤان وچیرۆكڤانێن كورد ب دەهان رستە وسیناریو و هۆزان ب ڤان هەوێن دوژمنان گۆتینە بۆ نموونە دەمێ‌ هۆنەرمەند حەسەن شەریف دبێژت(هەشتێ‌ و هەشتێ‌ ل هەیڤا هەشتێ‌ دونیا بوو تاری دوژمنا عەسكەر كێشا لەشكەر كێشا سەر دەڤەرا مە ژبۆ نەمانا مە كوردان تالانكر وێرانكر گوند و وارێن مە)،هەر دیسا (مە دگۆتی هیتلەر مری یە دایێ‌ شوین نابیتن مە نزانی دێ‌ كورێ‌ وی ل بەغدا مەزن بتن گرنژینا سەر لێڤێن پیرو جانا ل هەلەبچە دێ‌ ب سیاند وخەردەل وتیزابێ‌ كوژیتن)،لەوما دبێژم بۆچ ئەنفال،چنكو هەموو دەمان دوژمنان نەڤیایە كورد بژین چنكو ژوانان باشتر وزیرەكترن داكو هەڤسارێن كاران ل وەلاتێن كورد لێ‌ نەكەڤنە دەستێن كوردان و هەر ئەو لسەر كوردان دەستهەلاتدار بن.

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2018 by Lalish Media Network .   Developed by Ayman Qaidi.