تشرینی یه‌كه‌م 13, 2019

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

خالد ئەحمەد بادی:ئاوارەبوون ب هەموو رەنگان

ئاوارەبوون ب هەموو رەنگان
خالد ئەحمەد بادی

پشكا(1)
یا خویایە كو هەردەم كورد كەفتینە دستێركا تڤەنگا دوژمنان دا وكورد بووینە قوربانی حەز وڤیان وبەرژەوەندێن بلندێن دوژمنان وهەر دیسان دوژمنان ب هەموو رەنگێن جودا جودا سەرەدەریەكا خراب وشاش وكەشەفرێت دگەل مللەتێن كورد ب هەموو رەنگێن خۆ ڤە كرینە وچ جوداهی نە كرینە لناڤبەرا ئێزدی وموسلمان ومەسیحی وشەبەك وشیعی وسنی وكرستیان و فەیلی و كاكەیی و سلێمانی و كەركوكی ودهۆكی و هەڤلێری و هەورامانی وكوردێن باكوور وباشوور و رۆژهەلات و رۆژئاڤا،هەر كوردەكی ل هەر كوژیەكێ‌ جیهانێ‌ بت دوژمناتیا وانان هاتیە كرن وهەموو ژی ژبەر وێ‌ چەندێ‌ یە كو ئەگەر كەسەك یان مللەتەك یان لسەر هەر ئاستەكی بت و ژیێن بەرامبەر زیرەك تر و داهێنەر تر وچاك تر و باشتر وشارەزاتر بت، بێگۆمان دێ‌ كەرب وكین ودوژمناتی لبەرامبەر وانان ئێتە كرن ودێ‌ هەر بزاڤەك ئێتە كرن كو ژ رێیا خۆ لادەن وخۆ بكەنە سەردارێن قادا خەباتێ‌ وخۆ بكەنە حوكمران ومینا خۆ ئانكو لدوڤ حەز وڤیانا خۆ دەستهەلاتێ‌ بگێرن وبەرژەوەندێن خۆ ودار ودەستەكێن خۆ بپارێزن وبتنێ‌ خێر وبێر وداهاتێن وەلاتی لسەر خۆ بتنێ‌ دابەش بكن و یێن لدوڤ حەز وڤیانێن وانان نە بن دێ‌ ب حەزا خۆ سەرەدەریێ‌ دگەلدا دكن، سەرهاتیا مە كوردان ودگەل هەموو پێكهاتەیان بڤی رەنگی یە مللەتێن كورد هەردەم پێكڤە ژیاینە ومینا برا و هەڤال و خوشك وخۆشتڤییان دگەل هەڤدو ژیاینە وهەر چەندە دوژمنان هەموو هەولدانێن كرین كو ناسناما كوردان بەرزە بكن وبن ئاخ بكن،لێ‌ نكارینە و هەر دیسان چەندین هەولدانێن مەزن كرن داكو كورد و ئێزدی ومەسیحی وكریستیان وسورانی وبەهدینانی وشەبەك وسابئە وكلدانی وكاكەییان ژێكڤە كن لێ‌ دوژمنان نكارین،هەتا نهۆ ژی هەر كورد ب هەڤرا ومینا براو هەڤال وخوشكان ب هەڤرا دژین،هەتا كو دوژمن بێچارە بووی دوژمنان رێیێن دی ژی بكارئینان مینا رێیێن تەعریب وتەبعیس وگرتن وزیندانكرن و وەلاتیێن پلە سێ‌ وچار وپێنچ وچەكێ‌ گران و چەكێ‌ قەدەغە كری وچەكێ‌ كێمیاوی وسۆتنا دارستانێن جوان وب خەمل یێن كوردستانێ‌ وتەمبەلكرنا تاكێ‌ كورد و شووشتنا مێشكی وسۆتنا دەرامەت وگل وگیایێن كوردستانێ‌ وبنبركرنا گیاندارێن جۆرا وجۆرێن كوردستانێ‌ و كێمكرن وبنبركرنا ئابوورێ‌ كوردستانێ‌ وجەنگێ‌ دارایی وسۆتنا گەنم ودەرامەتان ونەزانین كرنا نفشێن كوردان وبەربەلاڤكرنا نەزانینێ‌ لناڤ كوردان وشەرێ‌ جلكان وبنبركرنا شێوێ‌ جل وبەرگان وكێمكرنا زانستی لناڤ كوردان وبنبركرنا خووندنێ‌ وشەركرنا دگەل كوردان لسەر بنەمایێن ئایینی و بەربەلاڤكرنا مەزهەب و رێیێن نەدروست یێن ئایینی وشەركرن دگەل كوردان لسەر بنەمایێن كێمە نەتەوەیان ودروستكرنا كۆمەلگەهان وبنبركرنا شوونوارێن كوردان وبەرزەكرنا ناسناما كوردی وكوردایەتیێ‌ وبنبركرنا هەستێن نەتەوەیی وبەرزكرن وداگرتنا مێشكێن كوردان ب عەرەبكرن وفارس كرن وترك كرنێ‌ وبەربەلاڤكرنا پرسێن ترسناك مینا ماددێن بێ‌ هۆشكەر وماددێن ترسناك كو كۆمەلگەه ومللەت بێ‌ دكەڤن وبنبر دبن وشەركرن دگەل كوردان.

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2018 by Lalish Media Network .   Developed by Ayman Qaidi.