تشرینی یه‌كه‌م 17, 2019

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

خالد ئەحمەد بادی:ئاوارەبوون ب هەموو رەنگان

ئاوارەبوون ب هەموو رەنگان

خالد ئەحمەد بادی
پشكا (3)
لناڤبەرا وانان دا راوەستیا وحكومەتا عێراقێ‌ یا گۆربگۆر بتریا هێزێن خۆ یێن مەزن وچەكێ‌ گران ویێ‌ قەدەغەكری نێڤ دەولەتی كێشانە لایێ‌ كوردستانێ‌ وخۆ ئامادە دكر داكو تۆڤێ‌ كوردان نە هێلت وهزركرن وپیلان دانان وپلان دروستكرن كو هەموو كوردێن ئیزدی ویێن موسلمان ویێن مەسیحی وكریستیان وئەرمەن وكلدانی وشیعی وسنی وكاكەییان وفەیلی یان وهەموویان بنبر بكت وناڤێ‌ وانان لسەر نەخشەیی راكەت وهەوا ئەنفالان یا داویێ‌ ویا كو دگۆتنێ‌ هەوا ئەنفالان یا ژمارە(8) هەوا هەشتێ‌ یا ئەنفالان ئەو كار وپلانێن هاتینە دانان ژبۆ دەستپێكرنا ئەنفالان كو هەوا هەشتێ‌ و وانان وەسا هزر دكر كو هەوا هەشتێ‌ داوی هەوە كو بریاردا بوو كوردان بنر بكن وب ئێكجاری نەهێلن،وئەڤ بریارا هەوا هەشتێ‌ یا ئەنفالان دەركەفتی بریارا ژمارە (160) كو ژلایێ‌ جڤاتا سەركردایەتی یا شۆرەشێ‌ یا عێراقا گەنی بوو كو ب بریارا ناڤبری هەوا هەشتێ‌ یا ئەنفالان دەست پێكرن،ئەو هێزێن عێراقا گەنی ودگەل جاش و مستەشار وخۆفرۆشا ئەڤ هێزە بوون( 2) دوو فەیلەقێن سوپایێ‌ هۆڤ وهەمەجێ‌ عێراقا گەنی بوون كو فەیلەقا (1) وفەیلەقا (5) بوون یا كەركوك وهەڤلێرێ‌ بوون ودگەل هێزەكا مەزن وبەرفرەه یا (حرس جمهوری) یا ئانكو زێرەڤانێن كۆماری وهندەك هێزێن دی بوون یێن سوپایێن جودا جودا یێن عێراقا پیس وجاش وخۆفرۆش ومستەشارێن ترسنۆك بوون،زێدەباری ب سەدان فرۆكەیێن شەركەر ویێن هەلیكوپتر وب سەدان تۆپێن دوورهاڤێژ وتانك وزەریپوشێن پێشكەفتی وراجیمە وزێدەباری هەموو جۆرێن چەكێن مەزن وگران وترسناك كو دەهان جۆرێن موشەك وبۆمبەیان دگەل سوپایێ‌ هۆڤێ‌ عێراقێ‌ بوون دێ‌ وەسا هزر كەی ڤان هێزان بۆ شەرێ‌ گاوران و یێن خودان باوەران بوویە ونە بۆ مرۆڤان و ب تایبەت بۆ كوردان كو باشترین وچاكترین وزیرەكترین گەلن لسەر ئاستێ‌ جیهانا مەزن،ئەو زەرەر وزیانێن ب كوردان كەفتین كو بۆ دەهان سالان كورد پاشڤەبرن ئەوژی ل دەڤەرا بادینان بتنێ‌ (2300) دوو هزار وسێ‌ سەد كەسان دبێ‌ سەر وشوونن ودبەرزە نە،هەر دیسان ل دەڤەرا بەهدینان بتر ژ (176) گوندێن گوندی نشین هاتنە خرابكرن و وێرانكرن وهندی بنڤێسین ب داوی نائێت چنكو بتنێ‌ گونەها مە بەس كوردین،پشتی جەنگا دناڤبەرا رژێما ئیرانێ‌ وعێراقێ‌ دا ب داوی هاتی ئێكسەر رژێما عێراقێ‌ بریارا ڤەگوهاستنا بتریا هێزێن خۆ دەركر ئەوێن ل بەرۆكێن شەرێ‌ ئیرانێ‌ بۆ كوردستانێ‌ و هەوێن ئەنفالان دژی مللەتێ‌ كورد ل كوردستانا عێراقێ‌ دەست پێكرن ژلایێ‌ رژێما بەعسا ژناڤچۆیی ڤە ل سالا (1988)ێ‌ كو دڤان هەوێن هۆڤانە دا هێرشێن مەزن وبەرفرەه سوپایێ‌ عێراقێ‌ یێ‌ چەكدار ب هەموو جۆرێن چەكێ‌ گران و نوو وپێشكەفتی وب تكنلۆژیایەكا لەشكەری یا سەردەمیانە هێرشێن قركرنێ‌ ژ چەندین ئالی ودەڤەرا ڤە كرنە سەر خەلكێ‌ كوردستانێ‌ یێ‌ بێ‌ گونەه وسڤیل وستەم دیتی،دڤان هێرشێن مەزن وبەرفرەه دا سوپایێ‌ عێراقێ‌ ب هەموو پێكهاتەیێن خۆ ڤە یێن جۆراوجۆر كو پێك دهاتن ژ سوپا وچەتەیێن كرێ‌ گرتی وهێزێن ئاسمانی وهێزێن تۆپخانێ‌ وهێزێن تانك وزەریپوشا سەرەدەریەكا توند وهۆڤانە ودوور ژمرۆڤاتیێ‌ دگەل مللەتێ‌ كورد ئەنجام ددا ودڤان هێرشا دا ل سەرتاسەری كوردستانێ‌ بتر ژ (4500) گوندان سۆتن.

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2018 by Lalish Media Network .   Developed by Ayman Qaidi.