شوبات 26, 2020

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

حەیدەر عەرەبۆ یوسڤانی:دەمناسین ل رۆژيێن ئێزی دا

دەمناسین ل رۆژيێن ئێزی دا
حەیدەر عەرەبۆ یوسڤانی

ھەر وەختێ مرۆڤ لسەر روویێ ئەردێ ھاتیە ئافراندن ، بەری ھزر د رۆژ و ھەیڤ و ستێران دا بکەت ، ھزر دھاتنا شەڤ و رۆژان ، سەرما و گەرمایێ دا کرینە ، ھەست پێ کرنە کو تشتەک ھەیە ڤان گوھۆرینن دکەت لەوما ھەست ب ھندێ کرینە ، کو تشتەک ھەیە دپێژنێ “دەم” .
حسابدار مژارەکە بنگەھینە و لسەر ستوونێن نیمچە زانستی ھاتینە ئاڤاکرن ئێزدی برێکا حسابداری دکارن حسابێ وەقت “دەم” سال ، ھەیڤ و رۆژ ھەر وسا ئیدی چەژنا و رۆژێن پیرۆز زانیبن ، و ئێزدی بڕێکێن زانستی و ژمیریاری چەژن و ھەلکەفتان ناسدکن و دوارێ پراکتێدا بکاردئینن .
ئێزدی ژ بەر رۆژێ و پیرۆزیا ڕۆژێ د مەھا کانوونا ئێکێ دە ، دێ سێ رۆژیا بۆ ( ئێزی – خودێ ) دگرن دبێژنە ڤان ڕۆژیا ( رۆژێ ئێزی ) .
ڕۆژیێت ئێزی ( ڕۆژیێت نە گۆرن ) ھەر سال د ئینێا ئێکێ دا ژ مەھا کانوونا ئێکێ ب ھژمارا ڕۆژھەلاتی ، وەکی سەبەقەک ژ قەولێ مەھا خویا دکەت :

ژقەولێ فەخرێ زەڕگونە
ھەر یە ب حەرفە یە ب ناسبونە
بنیاتا ھەر دوازدە مەھا کانوونە

و ڤان ھەر سێ ڕۆژیا پەیوەندیەکە راستەوخۆ ب گوھۆرینا دەمێت سالێ ڤە ھەیە لەوما ل ھەر ڕۆژەکێ ژ ڕۆژیێت ئێزی ( سێشەمبوویێ و چارشەمبوویێ و پێنچ شەمبوویێ ) دیاردەکە گەردوونی چێدبێت ئەو ژی ستێرێن ب ناڤ (پێرو ، تەرازو ، قورغ )، دیار دبن ، و ئەڤ ھەر سێ ستێر دپیرۆزن ، بەلێ ل رۆژا ئێکێ ژ ڕۆژیێن ئێزی ، ڕۆژا سێ شەمبوویێ ل دەمێ فتارێ ل گەل ڕۆژئاڤا ل عەزمانی ” پێرو ” یە خویایە و دیار دبێت ، و ل ڕۆژا دوویێ ڕۆژا چا شەمبوویێ ل گەل ڕۆژئاڤا ” تەرازو ” و ” پێرو” ھەردوو پێکڤە دخویانە و دیار دبن ول ڕۆژا سییێ دا ڕۆژا پێنچ شەمبوویێ ل گەل ڕۆژئاڤا ( پێرو ، تەرازو ، و قورغ ) ل گەلێک خویا دبن و دچنە ئاڤا د شەڤەکێ دا و رۆژا چارێ دێ بتە چەژن ، لەوما ئەڤ ھەر سیێ ڕۆژیێن ئێزی دکەڤنە کورترین دەمێ سالێ .
و پشتی بۆرینا چەند ھەیڤان ژ ڕۆژیێن ئێزی و ل شەڤا ٢٥ێ گولانێ ب ھژمارا ڕۆژھەلات ستێرا ” پێرو” ل باکور دخولقت و خویا دبت ، ئانکو پێرێ سالێ یە ، ئەو پێرو (١٢) ستێرن ب ھەر دوازدە ھەیڤێن سالێ تێنە ناسین .
و ل شەڤا ٢٥ێ خزیرانێ ب ھژمارا ڕۆژھەلات ، ستێرا ” تەرازو” ل ڕۆژھەلات دخولقت و ل ئەزمانا تێنە خویاکرن .
و ل شەڤا ٢٥ێ تیرمەھێ ب ھژمارا ڕۆژھەلات ، ستێرا قورغ ” گەلاوێژ ” ل باشورێ ڕۆژھەلاتێ دیار دبت ، وئەڤ ستێرا دژەنت ، و ئێکسەر ڕۆژ بۆ رۆژێ کەش و ھەوا بەرڤ ھونیاتیێ ڤە دچت ، و ئێزدیان ژ کەڤندا ھزر و بیر کرینە و ڤەکێشانە لسەر نژاندنا فرێشتا و ئەرد وئەزمان و زفراندن و ھاتن و چۆنا ستێرا و ڕۆژ و ھەیڤ و کوھۆرینا دەمێت سالێ و سروشت سوھێ دنیایێ .

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2018 by Lalish Media Network .   Developed by Ayman Qaidi.