ئاب 20, 2019

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

جوان عزەت:ئەدەبیات نەبوو پلەیەكا بلند د ئاڤاكرنا تێكست و شارستانیا زمانی دا

ئەدەبیات نەبوو پلەیەكا بلند د ئاڤاكرنا تێكست و شارستانیا زمانی دا
جوان عزەت
گەلۆ ئەدەبیات ب چوو شێوازی كەفتە د مەیدانا كوردی دا؟ ئەرێ‌ فورمێ‌ ئەدەبیاتێ‌ بۆ مەقامێ‌ تێكست و دورهێلێ‌ ژیانێ‌ ل جەم مرۆڤێ‌ كورد؟ یان ب تنێ‌ ئەدەبیات ما د چارچۆڤێ‌ هێلا شعری دا! دیارە ل دەڤەرێ‌ چەندین جاران مژار لسەر ڤان پرس و پێشهاتان هاتینە شرۆڤەكرن،بەلێ‌ مخابن وەكو پێویست نەبوویە ئیدیەمەكێ‌ راستین د پاوانا پەرتۆكخانەیا كوردی دا،چنكو رەوشەنبیریێ‌ ژ زمانێ‌ ئەرەبی دەستپێكریە و نڤیسین ب زمانێ‌ كوردی هات هەبوونێ‌، پاشان خووندن و نڤیسین هەردوو بوونە بەشەك ژ وەرگێران و چاڤلێكرنا ئالێن سەردەست،لەورا ئەڤێ‌ چەندێ‌ ژی مرۆڤێ‌ كورد نەچار كر كو ڤێ‌ رێبازێ‌ بگرتە بەر،د سەنترالیا ڤان پاشخانان دا رەهێن ئەدەبیاتێ‌ ل جەم تاكێ‌ كورد دیوارەك جودا ژ هزرا زیندبوونێ‌ دا ئاڤاكرن، ئەگەر ئەم بێژین بۆچی؟ كەواتە، ژبەركو ئەدەبیات نەبوو پلەیەكا بلند د ئاڤاكرنا تێكست و شارستانیەتا زمان و كارێكتەرا مرۆڤێ‌ كورد دا،ژ ئالیەكێ‌ دی ڤە پرۆسێسا خووندن و نڤیسانێ‌ ستراتیجی ل جەم ڤی مرۆڤی پەیدانەكر،چنكو ئورتێ‌ ئەدەبی ژ ڤەرێژا دوهی دەركەفت،نموونە ل وەلاتێن هەرە پێشكەفتی رۆمانا باژێری سەرهلدا،ژبەركو كەونێ‌ رۆمانێ‌ ل وێرانكاریا تراژیدیێن هاوچەرخ پەیدابوو و كەفتە د خزمەتا ئەدەبیات و زانستێ‌ باژێربوونیێ‌ دا،گەلۆ ئەم دێ‌ چاوان كارن ئەڤێ‌ هەبوونێ‌ ب شێوازەكێ‌ زیندی دناڤ كەونێ‌ دەڤەرێ‌ دا دیاركەین؟ یان دێ‌ چاوان هزرا تێكست و نڤیسانێ‌ دانین دناخێ‌ مرۆڤان دا؟ دبت مرۆڤ لسەر هزرەكا هەڤواتە نەهات هەبوونێ‌ ب تایبەت مرۆڤێ‌ كو د رۆژهەلاتێ‌ دا دژیت، د بوارێ‌ ئەدەبیاتێ‌ دا بەر ب هزرا لاوازی چۆیە،ئەڤە ژی خالەكا دی یا پێداچۆنێ‌ د ناڤ مەدا زێدە دكت، واتە دەمێ‌ ئەم هزر د ئاڤاكرنا مالبات، ژیان و هەبوونا خۆ دا دكەین، گەرەكە ئەم وارێن ئەدەبیاتێ‌ ل جەم خۆ زێدە بكەین وكوراتیا نێرینێن وان ببینین،چنكو ئەو وەچەرخانا دناڤ بونیاتێ‌ ئەدەبی دا سەرهلدایی بەشەك ژ هزرا شاش هونداكر و گهۆرینا هزرا سەردەم ئاڤاكر،لەورا هەردەم خواستا بوارێن زانستی لێگەریان و ڤەكۆلینا مرۆڤی د هزرێن كوژەك و بەر تەنك دا هات هشیاركرن،نموونە دیارە چەندین هزرێن كەڤن وەكو هزرا كەلەپۆری، نەریتێن بابكالان بوونە سەدەم، كو رێژەك ژ ژنان بێن ئیهمالكرن د كاروبارێن ب رێڤەبرنا ئیدارا زانستی، جڤاكی، كۆمەلایەتی و…هتد دا، ژ ئالیەكی دی ڤە، هەتا نهۆ تاك ب دروستی نزانت واتەیا ئەدەبیات چیە؟ بەلكو ب تنێ‌ د هەبوون و چارچۆڤێ‌ شعرێ‌ دا خووندیە و ناسكریە،ل ڤێدەرێ‌ ئەڤ چەندە بوو بەشەك كو ئەدەبیات جیێ‌ خۆ یێ‌ دروست نەناست و نەبت دناڤ جڤاكێ‌ كوردی دا،لەورا ئەگەر خواستا مە پێشكەفتنا مە بت،پێویستە ئەم كێلی كێلی لسەر هزرێن ئەدەبی ب سەكنین و كار بۆ ئاڤاكرنا هزرا ئەدەبی بكەین، داكو بگەهینە ئەنجامێن سەرەراستكرنا زانست و فێربوونا ژیانێ‌.

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2018 by Lalish Media Network .   Developed by Ayman Qaidi.