ئه‌یلول 22, 2019

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

ئاراز خدر خەتاری:بنگەهێ‌ لالش خەونێن گەنجان كرنە راستی

بنگەهێ‌ لالش خەونێن گەنجان كرنە راستی
ئاراز خدر خەتاری
بنگەهێ‌ لالش ب ئێك ژ بنگەهێن هەرە گرنگ ل كوردستانێ‌ دئێتە هژمارتن،هزرا دامەزراندنا ئەڤی بنگەهی بۆ سەردەمەكی كەڤن ڤەدگەرت لێ‌ دروستكرنا ژمارەكا زۆر یا ئاستەنگان ژلایێ‌ رژێما گۆربگۆر یا عێراقێ‌ رێگر بوون د رێیا ئەڤی بنگەهی دا و بەردەوام دامەزراندنا ئەڤی بنگەهی دهاتە گیرۆكرن،دەستپێكا دامەزراندنا بنگەهی گرنگ دزڤرت بۆ سەردەمێ‌ راپەرینێن گەلێ‌ كورد دژی رژێما گۆربگۆر و ب تایبەتی پشتی ب داوی هاتنا راپەرینان و نەمانا رۆلێ‌ وێ‌ دەستهەلاتێ‌ ل دەڤەرێن كوردستانێ‌، پشتی بۆرینا ماوەیەكی بسەر وان راپەرینان دا ل(12/5/1993)ێ‌ وەكو ئێكەم رۆژ بنگەهێ‌ لالش دەست ب كارێ‌ خۆ كر،ل دەستپێكێ‌ ب گۆڤارەكا وەرزانە ب ناڤێ‌ گۆڤارا لالش هاتە دناڤ گۆرەپانا راگەهاندن و كارێ‌ رەوشەنبیریێ‌ دا،ئەڤجا د وێ‌ گۆڤارێ‌ دا گرنگی ب ئەدەبێ‌ سەرزاری یێ‌ ئێزدیان ددا و ب زمانێ‌ كوردی و ئەرەبی و ئینگلیزی دنڤیسی، پاشی رۆژنامەك بناڤێ‌ رۆژناما دەنگێ‌ لالش دەرێخست كو تێدا ژمارەكا زۆر ژ گۆتار و بابەتێن گرنگ تێدا هاتنە بەلاڤكرن،هەر ب هەمان شێوە د گۆڤار و رۆژنامەیێن ڤی بنگەهی ب شێوەیەكی بەرچاڤ گرنگی ب لاتینێ‌ ژی هاتیە دان،ب رێیا ڤی بنگەهی خەونێن هەزاران گەنجێن زانا و رەوشەنبیرێن ئێزدیان و ئایینێن دیتر یێن كوردستانێ‌ هاتنە بجهئینان ژبەركو دەرگەهێ‌ خۆ ژبۆ بجهئینانا خەونێن گەنجان ڤەكر و هەتا نهۆ ژی یێ‌ بەردەوامە و كارێ‌ خۆ بكەتە رێیەك ژبۆ گەهشتنا ژمارەكا زۆرا گەنجان ب خەونێن خۆ و وەكو بنگەهەكی رەوشەنبیری یێ‌ پێكڤەژیانێ‌ ل كوردستانێ‌ رۆلێ‌ خۆ گێرا و هەتا نهۆ ژی لسەر وی رۆل و كاری یێ‌ بەردەوامە ب كارمەندێن خودان شیان و ب شێوەیەك بەرفرەهتر ڕۆلێ‌ خۆ د بەلاڤكرنا پێزانینێن دروست و باوەركری دا دبینت،هەژی گرنگی پێدانێ‌ یە كو چەندین هاریكاری ژلایێ‌ ئەڤی بنگەهی لسەر خێزانێن دەست كورت و قوتابی و ئاوارەیان دا هاتینە بەلاڤكرن،ئەڤ بنگەه دئێتە پشتەڤانیكرن ژلایێ‌ حكومەتا هەرێما كوردستانێ‌ و هەر سال ل(12/5)سالڤەگەرا وی دئێتە كرن،ب هەلكەفتا سالڤەگەرا بنگەهی لالش و بۆرینا بیست و شەش سالان لسەر دامەزراندنا ڤی بنگەهی جوانترین پیرۆزباهیێن خۆ ئاراستەی تەڤاهیا گەلێ‌ كورد دكەم ب شێوەیەكی گشتی و ب تایبەتی هەمی كارمەندێن بنگەهی ئەوێن كو بەردەوام خۆ د وەستینن ژ پێخەمەت زێدەتر بەرەف پێشڤەبرنا ئەڤی بنگەهێ‌ گرنگ،هەروەسا داخوازا سەركەفتنێ‌ بۆ وان دخوازم و هیڤیدارم بەردەوام بن لسەر ڤی كارێ‌ پیرۆز.

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2018 by Lalish Media Network .   Developed by Ayman Qaidi.