تشرینی یه‌كه‌م 29, 2020

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

دڤێت كەیسا رزگاركرنا كچ و ژنێن كوردێن ئێزدی بێ‌ دەنگ نەمینت

دڤێت كەیسا رزگاركرنا كچ و ژنێن كوردێن ئێزدی بێ‌ دە13084057_581221712038582_1421119941_nنگ نەمینت
ریپۆرتاج:چنار شەمۆ
پشتی بۆرینا سالەك و پێنج هەیڤان لسەر كارەساتا شنگالێ‌ ،هێش ب هەزاران كچ و ژنێن كوردێن ئێزدی ددەستێ‌ تیرۆرستێن داعشێ‌ دانە و نەهاتینە رزگاركرن،داخواز ژی دئێتە كرن كەیسا رزگاركرنا كچ و ژنێن ئێزدی بێ‌ دەنگ نەمینت و هەردەم وەرتە ئازراندن ب رێیا دام و دەزگەهێن راگەهاندنێ‌،ژبۆ هندێ‌ كەس و لایەنێن پەیوەندیدار ب ئەركێن بەرپرسایەتیا خۆ رابن و كار بكن،ژبۆ رزگاركرنا ئەڤان كچ و ژنان.

(شەهلا)رزگاربوویەكە ژدەستێن داعشێ‌ خۆیاكر،ژبەرنەبوونا هاریكاریێ‌ ژلایێ‌ حكوومەت و رێكخراوێت مافێ‌ مرۆڤی ڤە،رەوشا مە گەلەك بزحمەتە و پتریا ڤان كچ و ژنێن رزگاربوویی كێشەیێن دەروونی هەنە ،ژبەر وان ئێش و ئازار و كارێن هۆڤانەیێن كو رێكخراوا داعش یا تیرۆرستی بسەرێ‌ وان ئیناین،بەلێ‌ ژیان ل كەمپەیان هێش بزەحمەتر بوویە ژ ئەگەرێ‌ سەرمایێ‌ و چەندین كێشەیێن دی وەسا ل مە كریە كو ژیانا مە بزەحمەت بكەفت ل كەمپان دە،سەرەرایی وان ئێش و ئازارێن مە دیتین،دیسان هیڤیا من ژ تەڤایا جیهانێ‌ را ئەوە كو پێكڤە رابن ،ژبۆ رزگاركرنا زارۆك و كچ و ژن و زەلامێن هەتا نۆكە دنالن ددەستێن مەزنترین رێكخراوا تیرۆرستی دە كو ب كرێترین شێوەیێن ئەشكەنجەدانێ‌ ئەوان رۆژانە ئەشكەنجە ددەن،تەكەزكر ژی ئەڤە بۆ ماوەیەكە ئەز هاتم رزگاركرن و تا نۆكە من چ هاریكاری ژ ئالیێ‌ رێكخراوان ڤە بۆ من نەهاتینە.

هەروەسا(نازك حەسەن)كچەكا ئاوارەیا شنگالێیە دیاركر،رەوشا كچ و ژنێن رزگاربوویی دكەمپان دا یا خرابە ب تایبەت ژ ئالیێ‌ دەروونی ڤە زۆر تێكچۆیە،ژبەركو ئافرەت بخۆ هەستێ‌ وێ‌ نازكە،لەوما پشتی بۆرینا چەندەهان سالان كو ژیانەك ژبۆ خۆ ئاڤا كربوون و پشتی دەمەكی كورت ئەو ژیان هات گهۆرین و نە بتنێ‌ ئاڤاكرنا مالێ‌،بەلكی ژ دەستدانا كەسێن خێزانێ‌ دەروونێ‌ وان تێك بریە وژیان بزحمەت كریە،ئاماژەكر ژی رەوشا وان كچ و ژنێن بۆ چارەسەریێ‌ بۆ وەلاتێ‌ ئەلمانیا هاتینە رەوانەكرن نەیا ئارامە،راستە ژئالیێ‌ جەستەیی ڤە دئێن چارەسەركرن،لێ‌ ژ ئالیێ‌ دەروونی ڤە نە ئارامن،ژبەركو تا نۆكە كەس و كارێن وان ددەستێن داعش دە ماینە،لەوما پشتی چارەسەریێ‌ ئەو دخوازن ڤەگەرن كوردستانێ‌.

ژلایەكی دیڤە(لازیما شێخ یوسف) كارگێرا لقێ‌ 17 یێ‌ پارتی دیموكراتی كوردستان گۆت:هیچ پێنگاڤ نەهاتینە هاڤێتن بۆ وان كچ و ژنێن ددەستێ‌ دا داعشێ‌ دە ماین،داخوازێ‌ ژ جهێن پەیوەندیدار دكەم كو بزووترین دەم وان كچ و ژنان رزگاربكن،دووپاتكر ژی دڤێت ژنا ئێزدی سەربەست و ئازاد بژیت و مال و زارۆكێن خۆ ب پارێزت و پەروەردە بكت،ژبۆ ڤێ‌ چەندێ‌ ئەو یا پێتڤی پالپشتیا خێزانێیە پێش هەر تشتەكی دی،پاشی یا پێتڤی ئاسایش و ئارامیێ‌ یە و دڤێت ژنا ئێزدی باوەریەكا موكم ب بریارێت خۆ هەبت و ئەو ترسا هەتا نۆكە تێدە دژیان ژ ناخێ‌ خۆ دەربێخت،داكو بكارت خێزانەك و كۆمەلگەهەكا نموونەی ئاڤا بكت،چەخت كرژی حكومەتا هەرێما كوردستانێ‌ رۆلەكی زۆر یێ‌ بەرچاڤ هەبوویە بۆ رزگاركرنا وان كچ و ژنێن ئێزدی و هەول و بزاڤان یا بەردەوام دكت ژبۆ رزگاركرنا یێن ماین،لێ‌ حكوومەتا عێراقێ‌ سەبارەت كارەساتا شنگالێ‌ چ كار بۆ ڤی كەیسی نەكریە.

ژبال خۆڤە (بێریڤان سەلیم)جێگرا سەرۆكێ‌ جڤاتا پارێزگەها دهۆكێ‌ دیاركر،ژنا ئێزدی ژنەكە چالاك و خودان شیان بوویە ،هەردەم خۆ هاڤیتیە گۆرەپانا كاری وبەرخودان كریە،ژبۆ پاراستنا ئاین و نەتەوا خۆ، بەلێ‌ سەرهندێ‌ دە روبەرویی گەلەك دەردەسەریان بوویە كو ئێكەم ژن بوویە و ئۆل ئێزدی ونەتەوە كورد بوویە ،رەنگە گەلەك جاران خۆ ژ گەلەك دەستكەفتێن ژیانێ‌ دوور كریە مینا خووندن و كاركرن ل دەزگەهێن ئیداری و پۆستێن جودا جودا پێخەمەت پاراستنا ئۆلا خۆ وەكە ژنەكە ئێزدی،لێ‌ د هەمان دەم دە كەمتر خەم نەبوویە و بەرخودان بۆ ڤێ‌ چەندێ‌ كریە ئەوە نۆكە ژنا ئێزدی پەرلەمانتار و چالاكڤان و ئەندامێن ئەنجومەنان و راگەهاندكار بوویە،لەوما ژنا ئێزدی هێمایێ‌ شەرەف و بەرخودانێ‌ یە وەكو سەرۆكێ‌ هەرێما كوردستانێ‌ ئاماژە ب وێ‌ چەندێ‌ كری.

هەروەسا رۆنكر،دڤێت كەیسا رزگاركرنا كچ و ژنێن ئێزدی بێ‌ دەنگ نەمینت و هەردەم وەرتە ئازراندن ب رێیا دام و دەزگەهێن راگەهاندنێ‌،ژبۆ هندێ‌ كەس و لایەنێن پەیوەندیدار ب ئەركێن بەرپرسایەتیا خۆ رابن و كار بكن ژبۆ رزگاركرنا ئەڤان كچ و ژنێن تا نۆكە ددەستێن داعش دا ماین ،دیسان بانگەوازیا خۆ دگەهینمە رێكخراوێن مافێ‌ مرۆڤی و جڤاكێ‌ سڤیل و مافێ‌ ژنان كو خۆ بەرپرس نابینن و بزاڤان ناكن،ژبۆ رزگاركرنا ئەڤان كچ و ژنان، ب مخابنی ڤە كو هەرۆژ د دام و دەزگەهێن راگەهاندنێ‌ و چالاكیان دە بەحس ل ماف و ئازادیا مرۆڤی دكن،لێ‌ كەیسا كچ و ژنێن ئێزدیان نائێتە بەحسكرن.

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2018 by Lalish Media Network .   Developed by Ayman Qaidi.