شوبات 03, 2023

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

توندوتیژی پتر بەرامبەری ئافرەتێ‌ دئێتە ئەنجامدان

توندوتیژی پتر بەرامبەری ئافرەتێ‌ دئێتە ئەنجامدان
تۆرا لالش:
توندوتیژی ئەگەرێ‌ ژناڤبرن و خڕابكرنا كۆمەڵگەهێ‌ یە و دروستكرنا نەئارامیێ‌ و نەباوەریێ‌ یە دناڤبەرا هەردوو ڕەگەزان دا،هەروەسا ئەگەرێ‌ ئێشاندنا كەسەكیە ژلایێ‌ لەشی یان دەروونی ڤە، چاڵاكڤانەكا بوارێ‌ ئافرەتان ژی دبێژت:توندوتیژی بتر بەرامبەری ئافرەتێ‌ دئێتە ئەنجامدان،ژبەركو دناڤ جڤاكێ‌ مەدا زەڵام ب هێزێ‌ هاتیە ناسین.
خەلات جەمال،چاڵاكڤانا بوارێ‌ ئافرەتایە بۆ دەنگێ‌ لالش دبێژت:هەر ڕەفتارەكا دەردكەڤت كو بتە ئەگەرێ‌ ئێشاندنا كەسەكی ژ ڕوویێ‌(لەشی،دەروونی،ئاخفتنێ‌)ڤە دبتە توندوتیژی،و ب كارئینانا توندوتیژیێ‌ دمینتە ل سەر پەروەردەیا مرۆڤی و جوداهیا ژینگەهێ‌،چ ئامار نینن دیاربكەن كو ژن بتر ب كاردئینت یان زەڵام،لێ‌ ئەم دكارین بێژین توندوتیژی بتر بەرامبەری ئافرەتێ‌ دئێتە ئەنجامدان، ژبەركو دناڤ جڤاكێ‌ مەدا زەڵام ب هێزێ‌ هاتیە ناسین،جوداهیا توندوتیژیێ‌ دكەڤنن و د نۆكەدا ئەوە كو دكەڤندا ئاڵاڤێن پەیوەندیێ‌ و سەردەمێ‌ تەكنەلۆژیایێ‌ نەبوویە و ب تایبەت د جڤاكێ‌ مەدا، و د بەرێ‌ دا بتر تووندوتیژیا لەشی بوویە لێ‌ د نۆكەدا جۆرێن وێ‌ هاتینە گهۆڕین و نۆكە بتر توندوتیژیا دەڕوونی و ئاخفتنێ‌ و تەكنەلۆژیایێ‌ زێدەبوویە،هەر ڕەفتارەكا مرۆڤ دژیانا خۆ دا ئەنجام بدەت دبتە ڕێنیشاندەر بۆ زارۆكی، ئەڤجا ئەگەر توندوتیژی بەرامبەر زارۆكی یان هەر ئەندامەكێ‌ خێزانێ‌ بێتەكرن ئەو زارۆكە دێ‌ خودان كەسایەتیەكا لاوازبت و د هەمان دەمدا دێ‌ مرۆڤەكێ‌ تووندبت، و دوورنینە بەرامبەر هەڤاڵ و ئەندامێن خێزانێ‌ ژی دا مرۆڤەكێ‌ توندوتیژ بێتە ئاڤاكرن و دەرئەنجامێن وێ‌ ژی بۆ جڤاكی و وەڵاتی دباش نابن.
هەر ل سەر هەمان مژار پارێزەر عەلی رەسول،ژلایێ‌ یاسایی ڤە بۆ دەنگێ‌ لالش گۆت:ئەگەر ئەو كەسێ‌ توندوتیژی ئەنجامدای ئافرەت یان زەڵام بت چ جوداهی نینە و دێ‌ سزایێ‌ خۆ یێ‌ یاسایی وەرگرت و سزا دئێتە دانان لدووڤ وێ‌ زیانێ‌ یا گەهشتیە وی كەسی، ئەگەر هات و ئافرەتێ‌ توندوتیژی كربت بەرامبەر زەڵامی و ژبەرێ‌ وێ‌ چەندێ‌ زەڵامی داخوازا جودابوونێ‌ كر ل ڤی دەمی نەفەقە و هیچ تشتەك ژی بۆ ئافرەتێ‌ ناكەڤت ب تنێ‌ ئەگەر زارۆك هەبن دێ‌ بۆ وان كەڤت،سزایێ‌ وان كەسێن توندوتیژیێ‌ ئەنجام ددەن ب شێوەیەكێ‌ گشتی ژ 6هەیڤان دەست پێ‌ دكەت تاكو 2ساڵان،یانژی ئەگەر سزایێ‌ وان غەڕامە بت ژ ملیۆنەكێ‌ یە تاكو 5ملیۆن دیناران.
هەروەسا ڕۆژنامەڤان و چاڵاكڤان چنارئەحمەد،دەربارەی توندوتیژیێ‌ بۆ دەنگێ‌ لالش دیاركر،توندوتیژی ئەگەرێ‌ ژناڤبرن و خڕابكرنا كۆمەڵگەهێ‌ یە و دروستكرنا نەئارامیێ‌ و نەباوەریێ‌ یە دناڤبەرا هەردوو ڕەگەزان دا،و چ كەسەك د سروشتێ‌ خۆ دا یێ‌ توندوتیژنینە،لێ‌ ب دیتنا من توندوتیژی حالەتەكێ‌ دەڕوونیێ‌ خڕابە و هنگی پەیدا دبت دەمێ‌ ژینگەها كەسێ‌ تێدا مەزن دبت یاساخلەم نەبت،ئەڤ كەسێن ب ڤی جۆری پێتڤی ب چارەسەریێ‌ نە و پێتڤی ب ژینگەهەكا ئارام و دلۆڤانن هەتاكو دەروونێ‌ وان نەرم و پاقژ دبت و بكارن ب شێوەیەكی ساخلەم بژین و حەز ژدەوروبەرێن خۆ بكەن.

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi