كچه‌ك داوه‌ت و هه‌لكه‌فتان وێنه دكه‌ت
تۆرا لالش یا راگه‌هاندنێ /سفیان سلو
كچه‌كا خه‌لكا شنگالێ ژ ژیانا په‌ریشان یا كه‌مپان به‌ره‌ف كارێ وێنه‌گرتنێ چۆیه،نۆكه لگه‌ل كۆمپانیه‌كا وێنه‌گرتنێ كار دكه‌ت و داوه‌ت و هه‌لكه‌فتان وێنه دكه‌ت.
هدى هادى،كچه‌كا وێنه‌گرا خه‌لكا شنگالێ یه بۆ ده‌نگێ لالش گۆت:پشتى ئاواره‌بوونێ ل كه‌مپا باجد كه‌ندالا ئاكنجى بووم،ژبه‌ر ره‌وشا ب زه‌حمه‌ت یا ئاواره‌یێ ب نه‌چارى ده‌ست ژ قوتابخانێ به‌ردا و بێكار بووم ئه‌و ژى ژ ئه‌گه‌رێ نه‌بوونا ده‌لیڤێن كارى ل كه‌مپێ و ب تایبه‌ت بۆ كچان،له‌وما بریاردا خۆ فێرى كارێ وێنه‌گرتنێ بكه‌م ئه‌و ژى ب رێیا هه‌ڤاله‌كا خۆ، پشتى مالا وێ رازى بووى و پشته‌ڤانى ل بریارا وێ كرین ئێكسه‌ر دگه‌ل هه‌ڤالا خۆ ده‌ست ب كارێ وێنه‌گرتنێ كر و داوه‌ت و هه‌لكه‌فت مه وێنه‌دكرن و پشتى باش فێرى كارى بوویم ،ل سالا 2019ێ دگه‌ل كۆمپانیا سوزان ڤیدیۆ یا وێنه‌گرتنێ ده‌ست ب كارى كر.
ئه‌ڤێ كچێ دیاركر،دڤێت كچێ باوه‌رى ب خۆ هه‌بت و تێبكۆشت بۆ هیڤى و ئارمانجێن خۆ و كارى بۆ شیانێن خۆ و هه‌ر كاره‌كێ حه‌ز ل سه‌ر هه‌بت بكه‌ت،ژبه‌ركو هه‌م دێ گه‌هته هیڤێن خۆ و هه‌مژى دێ ژ بێزاریا ژیانا ئاواره‌یێ رزگاربت و دێ بنه خودان داهات ژى،پشتى بوویمه خودان كار دووباره ڤه‌گه‌ریامه قوتابخانێ و ب شێوازێ ده‌ره‌كى پرۆسا خووندنێ به‌رده‌وامیێ پێ دده‌م و كاریه باوه‌رناما بنه‌ره‌تى بده‌ستخۆڤه بینم، د نۆكه‌دا بزاڤا بده‌ستڤه‌ئینانا باوه‌رناما دوازدێ ئاماده‌یى دده‌م.
س.س
تُتاح هذه الصورة أيضا في: کوردی
