كانونی یه‌كه‌م 13, 2019

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

شیلان عبدالمناف:رێزگرتنا ژنێ‌ د جڤاك وئۆلا ئێزدیاتیێ‌ دا

رێزگرتنا ژنێ‌ د جڤاك وئۆلا ئێزدیاتیێ‌ دا
شیلان عبدالمناف
بێ‌ گۆمان ژن هەبوونا بە ردەوامی دانا ژیانێ‌ یە ،و بربرە یا بنیاتێ‌ خیزانێ‌ یە ،وەكو دبێژن نیڤا جڤاكی یە و نیڤا دی ژی لسەر دەستێن وێ‌ دهێتە پەروەردەكرن، لێ‌ لڤێرە ئەم دخوازین ئاماژێ‌ ب (ژنا ئێزدی ) بكەین و رۆلێ‌ وێ‌ و ئەرێ‌ ب چ شێواز ئۆلا ئێزدیان تەماشەی ژنێ‌ دكەتن ؟.

هەلبەت ژن دجڤاكەكی بۆ جڤاكەكێ‌ دن و ژئۆلەكێ‌ بۆ ئۆل و مەزهەبەكێ‌ دن جیاوازیا خوە هەبوویە ، بۆ نموونە : ئەغریقیێن كەڤن “یونان” ژن دپەرستن و خوداوەندێن وان ژن بووینە “ئەفرودیت “،دهندەك ئۆلێن دن دا ژی مینا هندۆسان دەمێ‌ (هەڤژینیێ‌)ژنەكێ‌ دمر ،ژن ژی ب زیندی دگەل هەڤژینی دهاتە شەوتاندن ،دیسان دهندەك جڤاكێن دن دا ژن ب زیندی هاتیە بن ئاخكرن و كوشتن ب چاڤەكێ‌ كێم و شەرم تەماشەی ژنێ‌ كرینە … هتد ، لێ‌ دئۆلا ئێزدیان دا ، كو ل سەرانسەری جیهانێ‌ دهێتە هژمارتن كەڤنترین ئۆل كو بۆ (6) هەزار سالی ڤەدگەرینن، تاكو نها بەردەوامیا وێ‌ مایە .. ژنێ‌ رۆلەكێ‌ مەزن دجڤاكێ‌ ئێزدیان دا هەبوویە و هەیە ،هەتا وی رادەی ژنا ئێزدی دەستهەلات ژی وەرگرتیە و مێرنشینەك برێڤە بری یە،مینا (میان خاتوون)،ژنا ئێزدی چ جیاوازی دگەل زەلامێ‌ ئێزدی نینە ، بەلكو ئۆلا ئێزدیان ب چاڤێ‌ یەكسانی و مرۆڤایەتی تەماشەی ژنێ‌ كریە،ل سەر جڤاكێ‌ ئێزدی سەپاندی یە كو رێزێ‌ ل ژنێ‌ بگرن ،چونكی ژن ( دایكە ،هەڤژینە،خوشكە،كچە،خۆشتڤی یە)،هەروەسا ژنا ئێزدی هەژی رێزگرتنێ‌ یە ، چ جارا ل سەر دەهمەن پیسیێ‌ یان خیانەتێ‌ نە هاتیە كوشتن ،دەمێ‌ مرۆڤ رووپەلێن دیرۆكا ئێزدیان دخوینت ، بۆ مرۆڤی خویا دبت كو ژنا ئێزدی گەلەك پاراستن ل سەر راگرتنا پاقژیێ‌ و شەرەفا خۆ كریە.
هەتا ئیرۆ ژی ژنا ئێزدی بۆ جیهانێ‌ حەمووێ‌ دایە خویاكرن كو ژنەكا خودان شەرەفە و پاقژە ، نموونە ژی گەلەكن نكارن ئاماژە ب هەمووان بدەن ،لێ‌ جانگۆری (جیلان برجس ) باشترین نموونە یە كو جانێ‌ خو كرە قوربان داكو نە كەفتە دەستێن بێ‌ وژدان و دوژمنێن مروڤایەتیێ‌ داعش دا . ئەگەر ئیەك بێژت كو ل ڤێ‌ دوماهیێ‌ ژنا ئێزدی هاتیە كوشتن ل سەر پرسا شەرەفێ‌ ،نابێژن (نە‌و) ، بەلێ‌ ئەگەر هژمارا (700,000) هەفت سەد هەزار ئێزدیان كو نێزیكی ملیۆنەك مرۆڤایە ،جارەكێ‌ یەك حالەت هاتبت روودان ، نە هەژی هندێ‌ یە كو مرۆڤ هەر ئاماژێ‌ پێ‌ بدەت ،بەراورد دگەل وان مللەت و ئۆلێن دن یێن جودا ژ ئێزدیان، كو رۆژانە ژن ل سەر پرس و كێشەیێن دەهمەن پیسیێ‌ دهێنە كوشتن ، ژنا ئێزدی ئەڤرۆ ژی سیاسەتمەدارە و خودی بریارە و رۆلەكێ‌ ئەكتیڤە ، نۆژدارە، مامۆستایە ، رۆژنامەڤانە ، سترانبێژە ، هەلبەستڤانە .. هتد ،ئەڤە حەموو ب پشتەڤانی و هاریكاریا مالباتا وێ‌ یە،كو رێكخۆشكەرن بۆ سەركەفتنا وێ‌ دكاری دا ، ژنا ئێزدی جهێ‌ سەربلندی و شانازیێ‌ یە بۆ مالبات و جڤاك و ئۆلا خۆ ژی.

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2018 by Lalish Media Network .   Developed by Ayman Qaidi.