كانونی دووه‌م 19, 2020

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

رزگاربوویەكا ئێزدی: دەمێ داعشێ ئەز رەڤاندی ئەز دوگیان بووم!

رزگاربوویەكا ئێزدی: دەمێ داعشێ ئەز رەڤاندی ئەز دوگیان بووم!
باسنيوز:
ژنەكا رزگاربووی یا ئێزدی دیاركركو ل گوندێ كۆچۆ هاتیە رەڤاندن ژلایێ‌ رێكخراوا تیرۆرستی یا داعش ڤە زارۆیەكێ‌ وێ‌ چوار هەیڤ بوو د زكی دا پشتی بۆرینا پێنچ هەیڤان ل ناڤ داعشا زارۆ ژدایك دبیت و داعش ناڤێ‌ زارۆیی دكەنە عەبدولرەحمان، پشتی هاتینە رزگار كرن ناڤێ‌ زارۆیی ژ عەبدولرەحمان دهێتە گوهۆرین بۆ هەرمان.

فائیزە ژنەكا ئێزدی یا ژ دەستێ داعشێ رزگاربوویی، چیرۆكا خوە بۆ(باسنیوز) بەحس كر و دیاركر: “هەر جارەكا من نەهێلابا داعش دەستدرێژیێ‌ ل سەر من بكەن كەزیا من دگرتن و ناڤ چاڤێن من ل دیواری ددان ئەز گێژ دبووم. هندەك جاران شەش رۆژان سەروچاڤێن من رەش و شین دمان هەموو كارێن هوڤانە و درندانە بەرامبەر كچان ئەنجام ددان”.

ڤێ‌ ژنێ گۆتژی: “زێدەتر ژ دو سالان ل گەل هزارەها كچ و ژن و زارۆیێن ئێزدی ئەم د دەستێ‌ داعشا دا ماین. ل گەلەك باژێر وگوندان ئەم هاتینە گەراندن. 7 جاران هاتمە فرۆتن ب زكێ دوگیانی ڤە هەر جارەكا دهاتمە فرۆتن گەلەك دهاتمە ئیهانە كرن و ئێشاندن و قوتان”.

هەروەسا خویا كر: “رۆژا ئەز هاتیە رەڤاندن ژلایێ‌ داعشێ ڤە، ئەو چار هەیڤ بوو یا ب دو گیان بووم. بێی پشكنین و نۆژدار زارۆیی من هاتیە سەر دونیایێ‌ ل مالا تیرۆرستەكێ‌ داعش دا ل پارێزگەها موسل. زارۆیێ‌ من ژ هەمبێزا بابێ‌ خوە هاتە بێ‌ بەهر كرن. دەمێ‌ ئەم هاتینە گرتن زەلامی من ل گەل من بوو، لێ‌ رۆژەكێ‌ داعشێ ئەز ژ هەڤژینێ‌ من جودا كرم و نۆكە ئەز چ ژ زەلامێ‌ خوە نزانم”.

ڤێ‌ ژنێ‌ د بەردەوامیا ئاخڤتنا خوە دا گۆت:” داعشێ ئەم گەلەك ل سەر ئێكودو بەلاڤ دكرین، هندەك جاران هەیڤەكێ‌ ل نك داعشەكێ‌ بین و پاش دا مە دەتە ئێكێ‌ دی. بەردەوام هوسا و هەر تشتەكێ‌ ڤیابا مە بۆ دكر ژبەركو ئەم د نەچار بووین گەلەك درندە و كافر بوون و زلم ل مە دكرن! لێ‌ شەڤەكێ‌ ل دەمژمێر دو نیڤێ‌ شەڤێ‌ هێزا ئاسایشێ یێن هەرێما كوردستانێ‌ د ئۆپەراسیۆنەكا تایبەت دا ئەز و زارۆیێ‌ من رزگار كرین”.

ئاشكرا كر: “تیرۆرستێن داعش زۆرداری ل‌ مە دكرن ئاینێ خوە ب گوهۆرین و گەلەك جاران كرین و فرۆتن ب كچێ‌ دهاتە كرن و زارۆ ب زۆرێ ژ ژنان وەردگرتن هەر كچەكا هاتبا فرۆتن ژی داعشێ بەردەوام دەستدرێژی ل سەر دكر گەفێن كوشتنێ‌ لێ‌ دكرن”.

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2018 by Lalish Media Network .   Developed by Ayman Qaidi.