تشرینی دووه‌م 30, 2022

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

ده‌سته‌یا بلندا بنگه‌هێ لالش سمیناره‌ك گێرا و قوتابیێن سه‌ركه‌فتى ژى خه‌لاتكرن

ده‌سته‌یا بلندا بنگه‌هێ لالش سمیناره‌ك گێرا و قوتابیێن سه‌ركه‌فتى ژى خه‌لاتكرن
دهۆك – تۆرا لالش یا راگه‌هاندنێ :

به‌رده‌وامیدان ب بزاڤ و چالاكیێن سازیا لالش , رۆژا پێنچ شه‌مبوویێ رێكه‌فتى 29ى ئه‌یلولا 2022ێ و ب ئاماده‌بوونا ژماره‌كا كه‌سایه‌تى و قوتابیان , ده‌سته‌یا بلندا بنگه‌هێ لالش د چالاكیه‌كا خۆ یا ئه‌ڤرۆ دا سمیناره‌ك گێرا و ژماره‌كا قوتابیێن سه‌ركه‌فتى ژى خه‌لاتكرن ل هۆلا شێخ شامۆ ل ئاڤاهیا ده‌سته‌یا بلندا بنگه‌هێ لالش ل پارێزگه‌ها دهۆكێ .

پشتى راوه‌ستیان ل سه‌رگیانێ شه‌هدێن بزاڤا رزگارى خوازا كوردى سه‌ركاروانێ وان بارزانیێ نه‌مر , رێ و ره‌سمێن چالاكیێ ده‌ستپێكرن

سه‌عید جردۆ سه‌رۆكێ ده‌سته‌یا بلندا بنگه‌هێ لالش د په‌راوێزا چالاكیا ئه‌ڤرۆدا پیرۆزباهى ل قوتابیێن سه‌ركه‌فتى كر و رۆناهى ئێخسته‌ سه‌ر رۆلێ وان دپێشه‌رۆژێ دا وه‌كو سه‌ركردێن جڤاكى ل داهاتى , دیسان ئاماژه‌ ب ره‌وشا دژوارو ئاسته‌نگێن قوتابیان ده‌ربازكرین دژیانا ئاواره‌یى ول بن خیڤه‌ت و كاڤلان دا كو نه‌بوونه‌ رێگر ل هه‌مبه‌ر سه‌ركه‌فتنا ئه‌وان, به‌لكو بووینه‌ هه‌لگرێن ئیراده‌یه‌كا پۆلایى , هه‌روه‌ها ددرێژاهیا ئاختنا خۆدا ته‌كه‌ز كر كو سه‌ركه‌فتنێن ڤان خورتان دبته‌ هانده‌ر بۆ مه‌ كو ب چاڤه‌كى پرى ئۆمێد ل جڤاك و وه‌لاتێ خۆ مه‌یزه‌بكه‌ن .

دته‌وه‌ره‌كى دیتر دا سمینارا مامۆستا و شاره‌زایێ دبیاڤێ ئێزدیناسیێ دا (خلات باعه‌درى) ل دۆر بابه‌تێ (پرۆگرامێ بابه‌تێ ئێزدیاتیێ و چه‌ند تێبینى و پێشنیار ) ب رێ ڤه‌ چوو و ژلایێ ئه‌ندامێ ده‌سته‌یێ ڤه‌ (خیری ابراهیم كورو)هاته‌ برێڤه‌برن , دماوێ سمینارێ دا سمیناربێژى چه‌ندین تیبینى و رۆنكرن و پێشنیار بۆ ئاماده‌بوویان ل دۆر پرۆگرامێن خواندنا بابه‌تێ ئێزدیاتیێ ل ناڤه‌ندێن خواندنێ ل هه‌رێما كوردستانێ ئینان زمان ,پاشن دان و ستاندنه‌ك بمفا و سوود به‌خش ل دۆر بابه‌تى هاته‌ ئه‌نامدان دناڤبه‌را سمیناربێژى و به‌رهه‌ڤبوویان دا

د ته‌روه‌رێ داویێ یێ هێڤاریا لالش دا ژماره‌كا قوتابیێن سه‌ركه‌فتى ل پۆلا 12ێ یێن تێكرایێن به‌رز بده‌ستخۆڤه‌ ئیناین ل سالا خواندنێ 2021 – 2022 ێ هاتنه‌ خه‌لاتكرن ژلایێ ده‌سته‌یا بلندا بنگه‌هێ لالش و ب هه‌ڤكارى دگه‌ل بنگه‌هێ لالش تایێن سنوون و باشیك و به‌حزان ڤه‌ و ژلایێ ئاده‌بوویان ڤه‌ دیاریێن سه‌ركه‌فتیان هاتنه‌ پارڤه‌كرن .
س.س

 

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi