سه‌رۆك بارزانى ل گه‌ل خه‌لكێ شێخان كۆمبوو
گاڤ
سه‌رۆك بارزانى داخواز ژ هه‌مى لایه‌نان كر كو پێكڤه كار ل سه‌ر كویركرنا هه‌ستێ نیشتیمانپه‌روه‌ریێ بكه‌ن.
سه‌رۆك بارزانى د درێژیا سه‌ره‌دانا خۆ دا بۆ ده‌ڤه‌را بادینان ئه‌ڤرۆ چارشه‌مبیێ سه‌ره‌دانا قه‌زایا شێخان كر و ل گه‌ل جه‌ماوه‌ر و ته‌خ و چینێن وێ ده‌ڤه‌رێ كۆمبوو.
باره‌گایێ بارزانى به‌لاڤكریه؛ سه‌رۆك بارزانى د په‌یڤه‌كێ د كۆمبوونێ دا ئاماژه دا ره‌وشا ناڤخۆیى یا هه‌رێما كوردستانێ و راگه‌هاند كو ئه‌و دێ هه‌مى بزاڤان گرنه به‌ر دا كو ره‌وشا ناڤخۆ بهێته چاره‌كرن و هه‌مى لایه‌ن ل سه‌ر ستراتیژیه‌كا نه‌ته‌وه‌یى و نیشتیمانى رێكبكه‌ڤن.
سه‌رۆك بارزانى دیار ژى كر كو پشتى سه‌ره‌دانا شاندێ بلند یێ پارتى بۆ به‌غدا چاڤه‌رێبوون هه‌یه كو كێشه بهێنه چاره‌كرن.
هه‌ر ل گۆره‌ى به‌یانێ، سه‌رۆك بارزانى دوپاتكر كو پێدڤیه هه‌رێما كوردستانێ پشتبه‌ستنێ ل سه‌ر شیان و ژێده‌رێن خۆ بكه‌ت.
سه‌رۆك بارزانى داخواز كر هه‌مى لایه‌ن پێكڤه بۆ كویركرنا هه‌ستێ نیشتیمانپه‌روه‌ریێ و هشیاركرنا خه‌لكى د هاریكار بن.
