سه‌رۆك بارزانی: پارتى پارێزه‌را دۆزا گه‌لێ كوردستانێ یه
گاڤ
سه‌رۆك مه‌سعوود بارزانى په‌یامه‌ك د یادا 77 سالیا دامه‌زراندنا پارتى دا به‌لاڤكر و راگه‌هاند، پارتى پارێزه‌را دۆزا گه‌لێ كوردستانێ یه و دڤێت ل ئاست وێ به‌رپراستیا مه‌زن بیت.
ئه‌ڤرۆ 16-8-2023یێ سه‌رۆك مه‌سعوود بارزانى، په‌یامه‌ك ب هه‌لكه‌فتا 77 سالیا دامه‌زراندنا پارتى دیمۆكراتى كوردستان دا به‌لاڤكر و راگه‌هاند، ب ڤێ هه‌لكه‌فتێ گه‌رمترین پیرۆزباهیان ل خێزانێن سه‌ربلندێن شه‌هیدان و پێشمه‌رگێ قاره‌مان، سه‌ركردایه‌تى، كادر، ئه‌ندام و ئالیگرێن پارتى و هه‌موو خه‌لكێ كوردستانێ و خه‌باتكار و ئازادیخوازان دكه‌م.
سه‌رۆك بارزانى د په‌یاما خۆ دا دبێژیت: دڤێ یادێ دا رێز بۆ خه‌بات و قوربانیدانا جه‌ماوه‌رێ پارتى هه‌یه كو د قۆناغه‌كا سه‌خت و چاره‌نڤێساز دا هه‌رده‌م هێڤێنێ خۆڕاگرى و به‌رده‌وامی و بهێزبوونا دۆزا گه‌لێ كوردستانێ بوویه.
هه‌روه‌سا سه‌رۆك بارزانى دیاردكه‌ت، پارتى و رێبازا بارزانى ل ده‌ما بۆرى و نوكه ژى هه‌رده‌م جهێ ئۆمێد و ده‌ست و بازێن بهێزێن كوردستانێ، پارێزه‌ر و به‌رگریارا دۆزا ره‌وا یا گه‌لێ كوردستانێ بوویه و پێدڤیه سه‌ركردایه‌تی و جه‌ماوه‌ر و ئه‌ندامێن پارتى ل ئاست وێ به‌رپرسایه‌تیا مه‌زن دا بن.
