ل سەر ئەرکێ سەروکێ حوکمەتێ تەرمێ دوو پەنابەرێن دەڤەرا ئامێدیێ دێ هێنە ڤەگەراندن
وشه:
دڤان سێ روژان دا دوو پەنابەر کو خەلکێ ناحیێن شێلادزێ و دێرەلوکێ یێن سەر ب قەزا ئامێدیێ دناڤ دارستانا وەلاتێ بولگاریا گیانێ خوە ژ دەست دا کو دخواست بچنە ئەورۆپا
رزگار ریکانی، کەسوکارێ ئێک ژ وان پەنابەران بو وشە گوت، بەری چەند رۆژان پسمامەکێ من بناڤێ دیندار داود کوکەری چویە ئەوۆپا، بەلێ ب رێیا بولگاریا ژ هەڤالێن خوە ڤەقەتیا، پاشان تەرمێ وی دهێتە دیتن.
زێدەتر گوت، نڤیسینگەها سەروکێ حوکمەتێ بریاردایە کو تەرمێ وی ڤەگەرینیت کوردستانێ.
ئەڤرۆ ژی پەنابەرەک دی یێ خەلکێ دێرەلوکێ بناڤێ رێکەفت باقی، هەر دناڤ دارستانا بولگاریا گیانێ خوە ژ دەستدایە.
ملەت عسمەت، سکرتێرێ رۆژنامەڤانیێ پارێزگارێ دهۆکێ دیارکر کو نڤیسینگەها سەرۆکێ حکۆمەتا هەرێما کوردستانێ خوە ل ڤەگەراندنا تەرمێن هەردوو قوربانیانیێن ل سنۆرێ بولگاریا کرە خودان و ئەرکێ ڤەگەراندنێ گرتە ستوویێ خوە.
