ئه‌یلول 29, 2023

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

ب بزاڤێن فڕاکسیۆنا پارتی، ١٠ قوتابخانە ل سنوورێ شێخان دێ ئێنه‌ دروستكرن 

ب بزاڤێن فڕاکسیۆنا پارتی، ١٠ قوتابخانە ل سنوورێ شێخان دێ ئێنه‌ دروستكرن
بە ھەوڵی پەرلەمانتارانی فڕاکسیۆنی پارتی لە پەرلەمانی عێراق ١٠ قوتابخانە لە سنووری قەزای شێخان دروست دەکرێن و پەرلەمانتارێکی پارتیش دەڵێ: بەردەوام دەبین لەسەر گەیاندنی پڕۆژەی خزمەتگوزاری بۆ ناوچەکە.

شەریف سلێمان، پەرلەمانتاری فڕاکسیۆنی پارتی بە مالپەڕی فەرمیی پارتی دیموکراتی کوردستانی راگەیاند: ئێمە توانیومانە ڕەزامەندی دروستکردنی ژمارەیەک قووتابخانە لە سنووری قەزای شێخان بەدەست بێنین، بڕیارە حکوومەتی فیدڕاڵ ١٠ قووتابخانە لە سنووری قەزای شێخان و ناحیەی باشیک دروست بکات، لەوانەش دوو قووتابخانە لە سنووری باشیک و بارزان دروست دەکرێن، ھەشت قووتابخانەی دیکەش لە قەزای شێخان دروست دەکرێن.

پەرلەمانتارەکەی پارتی گوتیشی: ئێستا لە قۆناغی دابینکردنی زەوین بۆ دروستکردنی ئەو ١٠ قوتابخانەیە و کاریگەری لەسەر کەرتی پەروەردە لە ناوچەکەدادەبێت، چونکە سنوورەکە پێویستی بە بینای قووتابخانە ھەیە و بە دروستکردنی ئەو ژمارە قووتابخانەیە تا ڕادەیەک کێشەی نەبوونی بینای قووتابخانە چارەسەر دەبێت.

شەریف سلێمان ئاماژەی بۆ ئەوەکرد: ھەوڵەکانی فڕاکسیۆنی پارتی و لەپەرلەمانتارانی پارتی لە سنوورەکە بەردەوام دەبێت بۆ گەیاندنی پڕۆژەی خزمەتگوزاری بۆ ناوچە کوردستانیەکان، پێشتریش بە ھەوڵی فڕاکسیۆنی پارتی چەندین پڕۆژە بۆ ناوچەکە دابین کراون.

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi