نیڤا سالا بهێت دێ یەکەیێن ئاکنجیبوونێ یێن کێمدەرامەت و کرێداران هێنە دان
گاڤ
حکومەتا هەرێما کوردستانێ راگەهاند کو ئەگەر ئەڤسالە دەست ب چیکرنا یەکەیێن ئاکنجیبوونێ یێن کێمدەرامەت و کرێداران هاتە کرن، ل نیڤا سالا بهێت تاکو سالا 2025 کەسێن کرێدار دشێن وەربرگن.
د. محەمەد شوکری محەمەد سەعید، سەرۆکێ دەستەیا وەبەرهێنانێ بۆ فەرمانگەها میدیا و زانیاری یا حکومەتا هەرێما کوردستانێ گۆت: چێکرنا یەکەیێن ئاکنجیبوونێ پرۆسەیەکا دویر و درێژە، ب ئەلکترۆنی ناڤ هاتینە وەرگرتن، لێ ل هندەک جهان کێشەیا هەبوونا ئەردی هەبوو و نوکە ل زاخۆ گاڤێن دەستپێکرنێ هاتینە هاڤێتن.
هەروەسا گۆت: وەلاتی دشێن مفایی ژ یەکەیێن ئاکنجیبوونێ وەربگرن و ببنە خودان جهێ ئاکنجیبوونێ، ئەگەر ئەڤسالە پرۆژە دەستپێکر، ل نیڤا سالا بهێت تاکو سالا 2025 وەلاتی دشێن شقان وەربگرن.
ب گۆتنا سەرۆکێ دەستەیا وەبەرهێنانێ، حکومەتا هەرێما کوردستانێ دێ کەلوپەلێن ناڤمالێ بۆ یەکەیێن ئاکنجیبوونێ دابین کەت.
