سه‌رۆكێ هه‌رێما كوردستانێ: په‌یڤ به‌رپرسایه‌تیه و دڤێت ب ئه‌مانه‌ت مامه‌له ل گه‌ل بهێته‌كرن
گاڤ
سه‌رۆكێ هه‌رێما كوردستانێ په‌یامه‌ك ب هه‌لكه‌فتا رۆژا رۆژنامه‌گه‌ریا كوردى به‌لاڤكر و راگه‌هاند، په‌یڤ به‌رپرسایه‌تیه و دڤێت ب ئه‌مانه‌ت مامه‌له ل گه‌ل په‌یڤێ بهێته‌كرن.
نێچیرڤان بارزانى، سه‌رۆكێ هه‌رێما كوردستانێ په‌یامه‌ك د رۆژا رۆژنامه‌گه‌ریا كوردى دا به‌لاڤكر و راگه‌هاند، ئه‌ڤ یاده كو یادا 125 سالیا رۆژا رۆژنامه‌گه‌ریا كوردى یه و 25 سالیا دامه‌زراندنا سه‌ندیكا رۆژنامه‌نڤێسێن كوردستانێ یه ل هه‌موو رۆژنامه‌ڤانێن كوردستانێ پیرۆز دكه‌م و هیڤیا سه‌ركه‌فتنێ بۆ خواست و سلاڤ د ڤێ یادێ دا بۆ گیانێ میقداد میدحه‌ت به‌درخان هنارت و ب پێشه‌نگێ ئێكه‌م رۆژنامه‌یا كوردستان ناڤكر.
د ڤێ یادێ دا نێچیرڤان بارزانى هه‌موو پشته‌ڤانیێ بۆ رۆژنامه‌ڤانان و ئازادیا رۆژنامه‌گه‌رى و ده‌ربڕینا هزر و بیران و ئازادیا قه‌له‌م و نڤێسینێ دوپات كر و راگه‌هاند، ئازادیا رۆژنامه‌گه‌رى بنه‌مایه‌كێ سه‌ره‌كى یێ هه‌موو كۆمه‌لگه‌هه‌كا زیندى و پێشكه‌فتى یه و پێدڤیه ل پێشیا به‌رده‌وامیدانا دیمۆكراسیێ و ئازادیان و پاراستنا مافێن مرۆڤى بیت ژبه‌ر ڤێ یه‌كێ ژى دڤێت بهێته پاراستن.
سه‌رۆكێ هه‌رێما كوردستانێ هه‌روه‌سا گۆت: په‌یڤ به‌رپرساتیه ژبه‌ر ڤێ یه‌كی داخواز ژ رۆژنامه‌ڤانان دكه‌م ب ئامانه‌ت و به‌رپرسایه‌تى مامه‌لی ل گه‌ل په‌یڤێ بكه‌ن و ئازادى و پیشه‌یانه و راستگۆیانه نووچه و روودانان ڤه‌گوهێزن و كار و ئه‌ركێ خۆ ب رێك و پێكى د چارچۆڤێ ئه‌ته‌كێتێن رۆژنامه‌ڤانى دا بجهـ بینن بۆ وێ یه‌كێ بشێن رۆله‌كێ دروست یێ خۆ د ده‌ستنیشانكرنا شاشى و كێشه‌یان و راستڤه‌كرنا وان دا ب گێڕن.
