سەرۆک نێچیرڤان بارزانى: دێ پارێزه‌رێن ماف و ئازادیێن کرستیانان بین
گاڤ
سه‌رۆكێ هه‌رێما كوردستانێ ب هه‌لكه‌فتا جه‌ژنا قیامه پیرۆزباهى ل هه‌مى کرستیانێن هه‌رێما كوردستانێ و ئیراقێ و جیهانێ كر و پشتراستكرن دێ پارێزه‌رێن ماف و ئازادیێن وان بن.
نێچیرڤان بارزانى، سه‌رۆكێ هه‌رێما كوردستانێ د په‌یامه‌كێ دا ب هه‌لكه‌فتا جه‌ژنا قیامه یا کرستیانان راگه‌هاند، ئه‌و ژ دل جه‌ژنا قیامه ل كریستیانێن هه‌رێما كوردستانێ، ئیراقێ و جیهانێ پیرۆز دكه‌ن و گۆت: هیڤیا جه‌ژن و بێهنڤه‌دانه‌كا ئارام، ئاسوده و شاد بۆ کرستیانان دخوازیت.
د ئالییه‌كێ دى یێ په‌یاما خۆ دا، سه‌رۆك نێچیرڤان بارزانى رژدى ل کلتۆرێ پێكڤه‌ژیانێ و لێبۆرینێ د ناڤبه‌را هه‌مى پێكهاته‌یێن نه‌ته‌وه‌یی و ئایینى یێن هه‌رێمێ دا كر كو سیمایه‌كێ گرنگێ ناسنامه‌یا كوردستانێ یه و جهێ شانازیا وانه.
هه‌روه‌سا سه‌رۆك نێچیرڤان بارزانى، كرستیان و هه‌مى پێكهاته‌یێن هه‌رێما كوردستانێ پشتڕاستكرن كو دێ هه‌رده‌م پارێزه‌رێن ڤى كه‌لتورێ پێكڤه‌ژیانێ و ماف و ئازادیێن وان بن.
