مه‌سروور بارزانى: ب هه‌موو ره‌نگان دێ به‌ره‌ڤانیێ ژ ده‌ستكه‌فتێن سه‌رهه‌لدانێ كه‌ین
گاڤ
سه‌رۆكێ حكومه‌تا هه‌رێما كوردستانێ راگه‌هاند، ب هه‌موى ره‌نگان دێ به‌ره‌ڤانیێ ژ ده‌ستكه‌فتێن سه‌رهه‌لدانێ كه‌ن و ده‌ستبه‌ردار نابن.
سه‌رۆكێ حكومه‌تا هه‌رێما كوردستانێ، مه‌سروور بارزانى په‌یامه‌ك د بیره‌وه‌ریا سه‌رهه‌لدانێ دا به‌لاڤكر و راگه‌هاند، سه‌رهه‌لدانا 1991ێ به‌رهه‌مێ ئێكرێزى، ئێكگرتنا هێزێن كوردستانى و پێكهاتێن وێ یێن جودا بوو، وه‌رچه‌رخانه‌كا مێژوویى بوو د خه‌بات و تێكۆشینا گه‌لێ كوردستانێ دا ژبۆ رزگاربوون ژ سته‌م، بنده‌ستیێ و داگیركرنێ و بۆ ب ده‌ستڤه‌ئینانا ئازادیێ.
هه‌روه‌سا ئاشكراكر، سه‌رهه‌لدان په‌یامه‌كا رۆن و زه‌لال یا خه‌لكێ كوردستانێ بوو بۆ هه‌موو جیهانێ كو ژێرده‌ستى و داگێركاریێ ره‌ت دكه‌ت و دڤێت ب سه‌ربلندى بژیت، هه‌روه‌سا دوپاتى ل هه‌ڤهه‌لوه‌ستی و ته‌باییا خه‌لكێ كوردستانێ كر بۆ داكۆكیكرن ژ ماف و ده‌ستكه‌فتێن وان یێن ده‌ستوورى كو ب هه‌موو شێوه‌یان دێ به‌ره‌ڤانیێ ژێ كه‌ن و ده‌ستبه‌ردارنابن و دێ به‌رده‌وام بن ل سه‌ر كاروانێ ئاڤه‌دانكرن و گه‌شه‌پێدانا كوردستانێ.
