سه‌رۆك نێچیرڤان بارزانى: دڤێت وانه‌یا سه‌ركه‌فتنێ ژ سه‌رهلدانێ وه‌رگرین
گاڤ
سه‌رۆكێ هه‌رێما كوردستانێ په‌یامه‌ك د بیره‌وه‌ریا سه‌رهه‌لدانا گه‌لێ كوردستانێ دا به‌لاڤكر و راگه‌هاند، دڤێت وانه‌یا سه‌ركه‌فتنێ ژ سه‌رهلدانێ وه‌رگرین و بۆ پاشه‌رۆكا باشتر بۆ گه‌لێ كوردستانێ بتنێ ئێكرێزى و ته‌بایى یه.
ئه‌ڤرۆ ئێكشه‌مبێ نێچیرڤان بارزانى سه‌رۆكێ هه‌رێما كوردستانێ، پیرۆزباهیا سه‌رهلدانا 1991ێ ل هه‌موو پێكهاتێن كوردستانێ و گه‌لێ كوردستانێ و هه‌موو قه‌واره و ئالیان كر و راگه‌هاند، سه‌رهه‌لدان رابوونا دیرۆكى یا جه‌ماوه‌رى یا سه‌رتاسه‌رێ گه‌لێ كوردستانێ، ب هه‌موو چین و پێكهاته ڤه پشته‌ڤانیا پێشمه‌رگه‌ى و به‌ره‌یێ كوردستانى كر و ل دژى زۆرداریێ سه‌رهه‌لدان هاته‌كرن.
هه‌روه‌سا ئاشكراكر، پێشمه‌رگه‌ى و گه‌نجان بۆ كوردستان و ئازادیێ بۆ ژیان و پاشه‌رۆژه‌كا باشتر بۆ گه‌لێ كوردستانێ گیانێ خۆ خسته سه‌ر ده‌ستێن خۆ و به‌رهنگارى مه‌رگى بوون.
سه‌رۆكێ هه‌رێما كوردستانێ گۆت ژى: ئێكرێزى و ته‌بایى هێڤێنێ سه‌ركه‌فتنا سه‌رهه‌لدانێ بوون كو هه‌موو ده‌ستكه‌فتێن گه‌لێ كوردستانێ ژ ئازادى، په‌ڕله‌مان، حكومه‌ت و چه‌سپاندنا مافان د ده‌ستوورێ ئیراقا فیدرال دا، نوكه ژى گه‌لێ كوردستانێ ب هه‌موو پێكهات و هێز و ئالیێن سیاسی ڤه دڤێت وانه‌یا سه‌ركه‌فتنێ ژ سه‌رهه‌لدانێ وه‌رگرن و دڤێت ب ئێكرێزى و ته‌بایى ئێكودو قه‌بوول بكه‌ن و پێكڤه‌ژیانێ بكه‌نه هێڤێنێ سه‌ركه‌فتنێ و پاشه‌رۆژه‌كا باشتر بۆ گه‌لێ مه.
ل دویماهیا په‌یڤا خۆ سه‌رۆك نێچیرڤان بارزانى دوپاتكر، هه‌موو بزاڤ و شیان بۆ هندێ نه هه‌موو پێكڤه كار بكه‌ن بۆ بجهئینانا ئارمانجێن پیرۆزێن سه‌رهه‌لدانێ و ئه‌و خێزانێن گیانێ خۆ بۆ به‌خشى، وه‌ك چاوا د سه‌رهه‌لدانێ دا سه‌ركه‌فتین، گه‌لێ كوردستانێ ب هه‌موو ره‌نگ و پێكهات ڤه سه‌ركه‌فتن نوكه ژى سه‌ركه‌فتن و مسۆگه‌ركرنا پاشه‌رۆكا باشتر بۆ گه‌لێ كوردستانێ بتنێ ب ئێكرێزى، ته‌بایى، پێكڤه‌ژیان و ئێكدوقه‌بوولكرنێ یه.
