ئازار 29, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

پارتی و ئێكه‌تى چەند گۆهۆرينان د پۆستێن حکومی دا دکەن

پارتی و ئێكه‌تى چەند گۆهۆرينان د پۆستێن حکومی دا دکەن
K24 – هەولێر

پرسی گۆڕانكارییەكانی حكومەتی ھەرێمی كوردستان، بابەتی سەرەكی گفتوگۆی نێوان پارتی و یەكێتین، هەردوولا سیڤی وەزیرەكانیان داوەتە سەرۆكی حكومەت و رەوانەی پەرلەمانی كوردستان کراون، بۆ ئەوەی پەرلەمان متمانە بە كاندیدەكان بدات، فراكسیۆنەكانیش داوا دەكەن گۆڕانكارییەكانی حكومەت و پەرلەمان بكرێنە یەك پاكێج و پێكەوە دەنگیان لەسەر بدرێت.

پارتی و یەکێتی، ناوی کاندیدەكانیان بۆ وەزارەتەكانی پێشمەرگە، ئەوقاف، وەزیری هەرێم بۆ کاروباری دانووستان لەگەڵ حكومەتی فیدراڵ، داوەتە سەرۆکی حکومەت و سیڤیەکانیان گەیشتووەتە پەرلەمان، بڕیارە لەم نزیکانە پەرلەمان بۆ متمانەدان بە کاندیدەکان کۆببێتەوە.

لەوبارەوە سەربەست لەزگین، ئەندامی مەکتەبی سیاسی پارتی دیموکراتی کوردستان بە کوردستان24ی گوت: “یەکێتی نیشتمانی کوردستان پێشنیازی خۆیان ئاراستەی سەرۆکی حکومەت کردووە، سەرۆکی حکومەتی هەرێمی کوردستان سیڤی وەزیرەکانی رەوانەی پەرلەمان کردووە، بۆ ئەوەی لەوێ پەسند بکرێن”.

سەبارەت بە بریکاری وەزیرەکان، گوتی: “بریکارەکانی پارتی و یەکێتی کە دەستبەکار دەبن، پێویست بەو رێکارانە ناکات لە پەرلەمان، تەنیا پێویستی بە فەرمانێکە لە سەرۆکایەتی هەرێم بۆ سەرۆکایەتی ئەنجومەنی وەزیران”.

پەرلەمانی كوردستان لە پشووی یاسادانانە، چاورێی رێککەوتنی کۆتایی پارتی و یەکێتی دەکات، بە گەشتنە رێککەوتن پەرلەمان كاتی کۆبوونەوەی متمانەدان بە کاندیدەکان رادەگەیەنێت، فراکسیۆنەکانەكانیش داوا دەکەن گۆڕانکارییەکانی حکومەت و پەرلەمان پێکەوە بکرێن.

محەممەد سەعدەدین، سەرۆکی فراکسیۆنی پارتی گەشەپێدانی تورکمانی دەڵێت: “بۆ دەنگدان لەسەر کاندیدەکان، پێویستە رێککەوتنی پێشوەختە لەنێوان لایەنەکان هەبێت، چونکە لە هەموو پرسەکان لایەنەکان رێککەوتن دەکەن دواتر پەرلەمان دەنگی لەسەر دەدات، بۆ گۆڕانکاریش لەو پۆستانە پەرلەمان چاوەڕێی رێککەوتنی لایەنەکانە”.

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi