شوبات 08, 2023

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

ئەندامەکێ لژنا دارایی: پێشبینی دھێتەکرن ل ھەیڤا شواتا بهێت پڕۆژە قانوونا بودجەیی بھێتە پەسەند کرن

ئەندامەکێ لژنا دارایی: پێشبینی دھێتەکرن ل ھەیڤا شواتا بهێت پڕۆژە قانوونا بودجەیی بھێتە پەسەند کرن
خانى نيوز:

حوکمەتا عێراقێ مژوولی بەرھەڤکرنا پرۆژە قانوونا بودجێ سالا داھاتییە و ئەندامەکێ لژنا دارایی ژی ئاشکرا کر، پێشبینی دھێتەکرن ل ھەیڤا شواتێ پڕۆژە قانوونا بودجەیی ژلایێ پەرلەمانی ڤە بھێتە پەسەند کرن.
سیپان شێروانی، ئەندامێ لژنا دارایی ل پەرلەمانێ عێراقێ بۆ ئاژانسا خانی دیارکر” رێکكەفتنا دەستپێکی لدۆر پڕۆژە قانوونا بودجێ عێراقێ ھاتییە کرن و حوکمەتا عێراقێ دێ پێگیربیت ب ھنارتنا پشکا ھەرێما کوردستانێ، بەلێ ھێشتا پڕۆژە قانوونا بودجەیی ژلایێ حوکمەتا عێراقێ ڤە بەرھەڤی بۆ دھێنەکرن و پشتی سەرێ سالێ دێ گەھیتە پەرلەمانی، چونکی د نوکە دا پەرلەمانی بھێنڤەدان ھەیە و پشتی سەرێ سالێ دێ دەست بکاری کەت.
ناڤهاتی گۆت ژی” ئەم ب هیڤی نه‌ كو ھەیڤا شواتێ پڕۆژە قانوونا بودجەیی بھێتە پەسەند کرن، ژبەرکو پتر ژ ھەیڤەکێ پێدڤییە بۆ پەسەندکرنێ، بەلێ ئەم دخوازین بەری بھێتە پەرلەمانی پشکا ھەرێما کوردستانێ بھێتە دیارکرن، ئەم ل گەل ڤێ چەندێ نینن كو شەڕێ دیارکرنا پشکا ھەرێما کوردستانێ دناڤا پەرلەمانی دا بھێتە کرن، بەرۆڤاژی ئەگەر ل دەرڤەیی پەرلەمانی رێکكەفتن بھێتەکرن ل پەرلەمانی ئاریشێن وەسا نامینن.

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi