ئازار 28, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

سه‌رۆكێ هەرێمێ و بالیۆزێ بریتانیا بەحسا گرنگیا ئێكده‌نگیا تیمێ هه‌رێما كوردستانێ ل به‌غدایێ کر

سه‌رۆكێ هەرێمێ و بالیۆزێ بریتانیا بەحسا گرنگیا ئێكده‌نگیا تیمێ هه‌رێما كوردستانێ ل به‌غدایێ کر
گاڤ

سه‌رۆكێ هه‌رێما كوردستانێ پشته‌ڤانیا خۆ بۆ حكومه‌تا نوى یا ئیراقێ و سه‌رۆكوه‌زیرێن وێ ئه‌لسوودانى دوپاتكر و راگه‌هاند، ده‌لیڤه‌ هه‌یه‌ بۆ چاره‌كرنا كێشه‌یێن وه‌لاتیان ب پشته‌ڤانیا ئالیێن پشكدار د حكومه‌تا فیدرال دا.

ئه‌ڤرۆ چارشه‌مبێ 14-12-2022ێ نێچیرڤان بارزانى، سه‌رۆكێ هه‌رێما كوردستانێ پێشوازى ل مار برایسۆن ریچاردسۆن، بالیۆزێ بریتانیا ل ئیراقێ و شانده‌كی ل گه‌ل دا كر.

د كۆمبوونێ دا به‌رده‌وامى دان ب په‌یوه‌ندیین بریتانیا ل گه‌ل ئیراق و هه‌رێما كوردستانێ، دوماهى پێشهاتێن سیاسى و سازیێن حكومه‌تا نوى یا فیدرال، كێشه‌ و ته‌حەدیێن همبه‌ر ئیراقێ، په‌یوه‌ندیێن هه‌ولێر و به‌غدایێ و كێشه‌یێن ناڤبه‌را وان، دوماهى سه‌ره‌دانا سه‌رۆك نێچیرڤان بارزانى بۆ به‌غدایێ و دانوستاندن بۆ چاره‌كرنا كێه‌یێن ل گه‌ل به‌رپرسێن ئیراقێ هاتنه‌ به‌حسكرن.

هه‌ر دو ئالیان دوپاتى ل پێشكێشكرنا خزمه‌تكاریێن باشتر بۆ وه‌لاتیێن ئیراقێ و دابینكرنا ده‌لیڤه‌یێن كارى بۆ بجهئینانا كارنامه‌ و ئه‌وله‌ویه‌تا كارێن حكومه‌تێ كر، هه‌روه‌سا ره‌وشا ناڤخۆ یا هه‌رێما كوردستانێ خستنه‌ به‌ر به‌حسكرنێ، ئێكرێزى و ئێكهه‌لوه‌ستیا هه‌رێما كوردستانێ ب گرنگ و پێدڤى زانى ب تایبه‌ت ئێكده‌نگیا تیمێ هه‌رێما كوردستانێ ل به‌غدایێ.

سه‌رۆك نێچیرڤان بارزانى دوپاتكر، كو هه‌رێما كوردستانێ پشته‌ڤانیێ ل حكومه‌تا نوى یا ئیراقێ و سه‌رۆكوه‌زیرێن وێ ئه‌لسوودانى دكه‌ت و ده‌لیڤه‌ هه‌یه‌ بۆ چاره‌كرنا كێشه‌یێن وه‌لاتیان ب پشته‌ڤانیا ئالیێن پشكدار د حكومه‌تا فیدرال دا، هه‌روه‌سا هاریكارى و كارێ هه‌ڤپشك یێ ناڤبه‌را ئالیێن سیاسى یێن هه‌رێما كوردستانێ بۆ چاره‌كرنا كێشه‌یێن ل گه‌ل به‌غدایێ ب پێدڤى و گرنگ ل قه‌له‌م دا.

په‌یوه‌ندیێن ئیراق ل گه‌ل وه‌لاتێن جیران و ناوچێ، دوماهی پێشهات و ره‌وشا ناوچێ ب گشتى و چه‌ندین پرسێن دى یێن جهێ گرنگیپێدانێ ته‌وه‌یێن دى یێن كۆمبوونێ بوون.

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi