شوبات 01, 2023

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

ده‌سته‌یا ده‌ستپاكییێ: 77 كه‌یسێن گه‌نده‌لییێ ل دادگه‌هێ هاتینه‌ ئێكلاكرن

ده‌سته‌یا ده‌ستپاكییێ: 77 كه‌یسێن گه‌نده‌لییێ ل دادگه‌هێ هاتینه‌ ئێكلاكرن
خانى نيوز:

سه‌رۆكێ ده‌سته‌یا ده‌ستپاكییێ ئاشكراكر، ئه‌ڤ ساله‌ 713 كه‌یسێن نوو یێن گه‌نده‌لییێ ل هه‌رێما كوردستانێ هاتینه‌ تۆماركرن، و 77 كه‌یس ل دادگه‌هێ هاتینه‌ ئێكلاكرن.
ئه‌حمه‌د ئه‌نوه‌ر سه‌رۆكێ ده‌سته‌یا ده‌ستپاكییا هه‌رێما كوردستانێ دپرێسكۆنفرانسه‌كیدا ئامار و كه‌یسێن گه‌نده‌لییێ دیاركرن.
سه‌رۆكێ ده‌سته‌یا ده‌ستپاكییێ راگه‌هاند، ئه‌ڤ ساله‌ 487 كه‌یسێن نوو یێن گه‌نده‌لییێ، دگه‌ل 226 كه‌یسێن سیخۆرییێ هاتینه‌ تۆماركرن و سه‌رجه‌مێ وان دبیته‌ 713 كه‌یس و دگه‌ل یێن سالێن بوورى دبنه‌ 976 كه‌یس و نوكه‌ لێكۆلین تێدا دهێته‌كرن.
ئاماژه‌ ب هندێ ژى هاته‌دان، ئه‌ڤ ساله‌ ژمارا كه‌یسێن گه‌نده‌لییێ زێده‌بووینه‌، ئه‌ڤه‌ژى رامانا هندێ یه‌ كو هه‌موو لایه‌ن چاڤدێرییا ده‌سته‌یێن خوه‌ دكه‌ن و زانیارییان وه‌ردگرن، ئه‌ڤ ساله‌ 203 كه‌یس ره‌وانه‌ى دادگه‌هێن هه‌ولێر، سلێمانى و دهۆكێ هاتینه‌ كرن و ئه‌ڤ ژماره‌ ژ سالێن بوورى زێده‌تره‌.
سه‌باره‌ت فۆرما ئاشكراكرنا سامانێ به‌رپرسان، سه‌رۆكێ ده‌سته‌یا ده‌ستپاكییێ گوت: زێده‌تر ژ 1800 فۆرمێن ئاشكراكرنا سه‌روه‌ت و سامانێ به‌رپرسان ڤه‌گه‌ریاینه‌ و پرۆسه‌ دێ یا به‌رده‌وام بیت.
ئاشكرا ژى كر، ده‌سته‌یا دادوه‌رییێ ژماره‌كا دادوه‌ران بۆ دادگه‌ها لێكۆلینێن ده‌ستپاكییێ ته‌رخانكرینه‌، لێ ئه‌و دخوازن دادگه‌هه‌ك بۆ ئێكلاكرنا كه‌یسێن گه‌نده‌لییێ بهێته‌ ته‌رخانكرن.
ئه‌نوه‌ر ئه‌حمه‌د د بێژیت: ره‌وانه‌كرنا كه‌یسێن گه‌نده‌لییێ و پرۆسه‌یا دادگه‌هكرنێ په‌یوه‌ندى ب ده‌سته‌یا ده‌ستپاكییێ ڤه‌ نینه‌، ئه‌و كارێ دادوه‌رانه‌ و بریارا دووماهییێ ژى هه‌ر بۆ دادوه‌رایه‌.

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi