شوبات 03, 2023

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

شانده‌كێ حكومه‌تا هه‌رێما كوردستانێ دێ سه‌ره‌دانا بریتانیا كه‌ت

شانده‌كێ حكومه‌تا هه‌رێما كوردستانێ دێ سه‌ره‌دانا بریتانیا كه‌ت

شانده‌كێ حكومه‌تا هه‌رێما كوردستانێ لسه‌ر گازییا فه‌رمى یا وه‌زاره‌تا ده‌رڤه‌ یا بریتانیا دێ پشكدارییێ دكۆنفرانسێ رێگریكرنێ ل توندوتیژییا ره‌گه‌زاندا ل له‌نده‌ن كه‌ن.
ئه‌ڤرۆ 26ى چریا دووێ یا 2022ێ دیندار زێبارى رێكخه‌رێ راسپارده‌یێن نێڤده‌وله‌تى راگه‌هاند، ئه‌و وه‌كو شانده‌كێ حكومه‌تا هه‌رێما كوردستانێ كو ژ ژماره‌كا داموده‌زگه‌هێن په‌یوه‌ندیدار پێكدهێت، دێ ل سه‌ر گازییا فه‌رمى یا وه‌زاره‌تا ده‌رڤه‌ یا بریتانیا و نوونه‌رێ تایبه‌ت یێ سه‌رۆكوه‌زیرێن بریتانیا، پشكدارییێ دكۆنفرانسێ نێڤده‌وله‌تییێ ده‌ستپێشخه‌رییا نه‌هێلانا توندوتیژییا ره‌گه‌زان ل پێكدادانێن (PSVI) داكه‌ن، كو دێ ل رۆژێن 28 و 29 یێن ئه‌ڤێ هه‌یڤێ ل له‌نده‌ن برێڤه‌چیت.‌
رێكخه‌رێ راسپارده‌یێن نێڤده‌وله‌تى گوت ژى : ئارمانجا كۆنفرانسى چه‌سپاندنا بزاڤانه‌ دگه‌ل لایه‌نێن په‌یوه‌ندیدارێن سه‌ره‌كى، بۆ ده‌ستنیشانكرنا ڤالاهییان ل به‌رسڤدانێن نێڤده‌وله‌تى بۆ توندوتیژییا ره‌گه‌زێن ب پێكدادانانڤه‌ گرێداى، و به‌رده‌ستكرنا پابه‌ندبوونان ب كریاران ژلایێ حكومه‌ت، رێكخراوێن نێڤده‌وله‌تى و كۆمه‌لگه‌ها مه‌ده‌نیڤه‌.
د درێژاهییا ئاخڤتنێن خوه‌ دا دیندار زێبارى گوت : كۆنفرانس دێ نێزیكى 800 نوونه‌ر و به‌رپرسان ژ هه‌موو جیهانێ كۆمكه‌ت كو ژ وه‌زیرێن ده‌ڤه‌ر، نوونه‌رێن كۆمه‌لگه‌ها مه‌ده‌نى و قورتالبوویان پێدكدهێن.

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi