كانونی دووه‌م 30, 2023

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

سه‌رۆك بارزانى : ل ده‌ڤ من مه‌زنترین و پیرۆزترین ناڤ و ئه‌رك پێشمه‌رگایه‌تییه‌

سه‌رۆك بارزانى : ل ده‌ڤ من مه‌زنترین و پیرۆزترین ناڤ و ئه‌رك پێشمه‌رگایه‌تییه‌
خانى نيوز:

سه‌رۆك مه‌سعوود بارزانى د گوتاره‌كێدا ل كونگره‌یێ 14ێ یێ پارتى دیموكراتى كوردستان راگه‌هاند، ل ده‌ڤ وى مه‌زنترین و پیرۆزترین ناڤ و ئه‌رك پێشمه‌رگایه‌تییه‌ و ئه‌و پێشمه‌رگه‌یه‌.
ده‌قێ گوتارا سه‌رۆك بارزانى:
ب ناڤێ خۆدێ مه‌زن و دلوڤان
خووشك و برایان
هه‌ڤالێن به‌رێز
پر ژ دل سوپاسییا هه‌وه‌ دكه‌م، بۆ ئه‌ڤێ باوه‌رییێ، شه‌ره‌فه‌كا مه‌زنه‌ كو ئه‌ز دخزمه‌تا هه‌دابم، ئه‌ز حه‌زدكه‌م ژ دل بۆ هه‌وه‌ بێژم، ئه‌ز هه‌ر چ بم، ل ده‌ڤ من مه‌زنترین و پیرۆزترین ناڤ و ئه‌رك پێشمه‌رگایه‌تییه‌ و ئه‌ز پێشمه‌رگه‌مه‌.
ئه‌ز ژ وان كه‌سان نینم یێن كو حه‌زدكه‌ن هه‌تا دمرن سه‌رۆك و به‌رپرس بن، من حه‌زدكر سه‌قایه‌كێ وه‌سا ل هه‌رێم و ده‌ڤه‌رێ درووست ببا، كو دئه‌ڤى كونگره‌یدا داخوازا ده‌ستوورییێ ژ هه‌وه‌ كربا، ژبه‌ركو هه‌موو ده‌ستپێكان دووماهییه‌ك هه‌یه‌، هه‌موو مرۆڤ چه‌ند دمه‌زن بن و د چ پله‌ و پایه‌یاندا بن، ئه‌نجام رۆژه‌ك دێ هێت دێ هه‌ر هه‌وه‌ هێلیت.
ئه‌ز ژى مرۆڤه‌كم وه‌كو ئێك ژ وان كه‌سان، مه‌ بڤێت یان نه‌ڤێت، هه‌وه‌ بڤێت یان نه‌ڤێت، ئیراده‌یا خۆدێ لسه‌ر هندێیه‌ رۆژه‌كێ هه‌وه‌ بهێلم، ئه‌ڤه‌ تشته‌كێ سرۆشتییه‌، به‌لێ وه‌كو هندێ یه‌ ئینشاءالله‌ ل كونگره‌یێ بهێت زووتر بكه‌ین، ئه‌ز بشێم ئه‌وان نیازان بجهبینم، ژبه‌ركو حه‌زناكه‌م مرن من ژ هه‌وه‌ جۆدا بكه‌ت، من دڤێت به‌رى هه‌وه‌ بێژمه‌ وه‌ خودێ دگه‌ل هه‌وه‌ بیت.
نوكه‌ بۆ هندێ داكو به‌رده‌وامبین و پارتیژى یا به‌رده‌وامبیت، ئه‌ز سوپاسییا هه‌وه‌ دكه‌م دێ دخزمه‌تا هه‌وه‌دابم.
هه‌ڤالان
هه‌رمرۆڤه‌كێ دژیانێدا هنده‌ك تایبه‌تمه‌ندییێن خوه‌ هه‌نه‌، مه‌ژى هه‌نه‌، جه‌نابێ بارزانى ژى به‌رى وه‌غه‌رێ بكه‌ت وه‌سیه‌ت ل من و كاك ئیدریسى كربوو، گوتى: دڤێت هوون ئێك گیان بن د دوو قالباندا، ئێك گیان د دوو قالباندا، سوپاس بۆ خۆدێ مه‌ وه‌سییه‌تا وى بجهئینا، نه‌كو ب تنێ ئێك گیان د دوو قالباندا، هه‌موو ده‌مان ئه‌ز یێ به‌رهه‌ڤبوومن بچمه‌ جهێ ئدریسى، ل شوونا وى بم، قه‌ده‌ر بده‌ستێ مرۆڤى نینه‌، بده‌ستێ خۆدێ یه‌، ب خۆدێ ئه‌گه‌ر هه‌لبژارتنه‌ك د ده‌ستێن مندابا، ئه‌ز دا خوه‌ دانمه‌ جهێ كاك ئیدریسى، ئه‌ز بچم و كاك ئدریس بمینیت.
نوكه‌ژى هه‌روه‌كو من دگوتارا خۆدا به‌حسكرى، پیرۆزباهییێ ل هه‌وه‌ و هه‌موو لایه‌نگر و دلسۆزێن گه‌لێ مه‌ دكه‌م، كو كونگره‌یێ مه‌ دێ كونگره‌یێ چونایه‌تییێ بیت، د هه‌مان ده‌مدا سه‌ره‌خۆشییێ ل ئه‌وان دكه‌م یێن خو به‌رهه‌ڤدكری فاتیحا بۆ پارتى بخوینن.
بۆ هندێ ره‌وش رێكوپێكتر بیت و بشێین باشتر كاران برێڤه‌ببه‌ین، ئه‌ز ژى بۆ هه‌وه‌ پێشنیاز دكه‌م كو نێچیرڤان كورێ كاك ئدریسى وه‌كو جێگرێ سه‌رۆكێ پارتى په‌سه‌ند بكه‌ن و سوپاس.
ئێدى هیڤییێن سه‌ركه‌ڤتنێ بۆ هه‌وه‌ دخوازم، ب ئانه‌هییا خۆدێ كونگره‌یه‌كێ چونایه‌تى و چونایه‌تیش بیت و سوپاسییا هه‌وه‌ دكه‌م و سه‌ركه‌ڤتى بن.

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi