هێزێن هۆله‌ندى دێ ل هه‌رێما كوردستانێ مينن
گاڤ نيوز
رۆژنامه‌يه‌كا هۆله‌ندى ئه‌ڤرۆ دوشه‌مبيێ ئاشكرا كر كو هێزێن هۆله‌ندى ل هه‌رێما كوردستانێ يێن ل سكوێريتيا فرۆكه‌خانه‌يا هه‌ولێرێ يا نێڤده‌وله‌تى د چارچووڤه‌يێ هه‌ڤپه‌يمانيا نێڤده‌وله‌تى دا كار دكه‌ن، تا گۆلانا سالا 2023 دێ مينن.
رۆژنامه‌يا نيزه‌رلاند تايمز به‌لاڤكريه؛ هێزێن هۆله‌ندى د چارچووڤه‌يێ هه‌ڤپه‌يمانيا نێڤده‌وله‌تى دا بۆ پاراستنا ئێمناهيا فرۆكه‌خانه‌يا هه‌ولێرێ تا گۆلانا سالا بهێت دێ د ئه‌ركێن خۆ دا به‌رده‌وام بن، لێ ئه‌ڤ هێزه دێ ب هێزه‌كا دى يا هۆله‌ندى هێته گوهۆڕين، ئه‌ڤ چه‌نده ل سه‌ر راسپارده‌يێن وه‌زيرێن كاروبارێن ده‌رڤه، به‌رگڕيێ، بازرگانيا ده‌رڤه و گه‌شه‌پێدانێ بۆ په‌رله‌مانێ هۆله‌ندا هاتيه.
رۆژنامه‌يێ ديار ژى كريه؛ نزيكى 120 هۆله‌ندى د ئه‌ركێ پاراستنا ئێمناهيا فرۆكه‌خانه‌يا هه‌ولێرێ يا نێڤده‌وله‌تى دا پشكدارن و ئه‌و پشكه‌كن ژ هه‌ڤپه‌يمانيا نێڤده‌وله‌تى يا دژى داعش دا.
ل دۆر هێزين هۆله‌ندى ل ئيراقێ ژى، حكومه‌تا هۆله‌ندا ديار كريه كو خۆڤه‌كێشان د ڤى ده‌مى دا ژ ئيراقێ بڕياره‌كا دروست نابيت چونكى هێشتا مه‌ترسيێن ئه‌منى ل ئيراقێ هه‌نه.
تُتاح هذه الصورة أيضا في: کوردی
