شوبات 02, 2023

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

شاندێ پارتى ل گه‌ل گۆڕان و یه‌كگرتوویێ كۆمبوو

شاندێ پارتى ل گه‌ل گۆڕان و یه‌كگرتوویێ كۆمبوو

گاڤ نيوز

شانده‌كێ پارتى ديمۆكراتى كوردستان كو ژ تيما وه‌زارى يا پارتى پێكدهێت، ئه‌ڤرۆ ئێكشه‌مبيێ د زنجيره‌يا كۆمبوونێن ل گه‌ل ژماره‌يه‌كا لايه‌نێن سياسى دا، ل گه‌ل هه‌ر ئێك ژ گۆڕان و یه‌كگرتوویێ كۆمبوو.

شاندێ پارتى ژ هه‌ر ئێك ژ پشتيوان سادق وه‌زيرێ ئه‌وقافێ، ساسان عه‌ونى وه‌زيرێ باژێڕڤانى و گه‌شتوگۆزارێ، سه‌فين دزه‌يى رێڤه‌به‌رێ فه‌رمانگه‌ها په‌يوه‌نديێن ده‌رڤه‌ و د. ئومێد سه‌باح سه‌رۆكێ ديوانا جڤاتا وه‌زيرێن هه‌رێما كوردستانێ پێكدهات.

شاندێ پارتى ئه‌ڤرۆ ئێكشه‌مبيێ ل گه‌ل شاندێ وه‌زارى يێ گۆڕان كۆمبوو و ره‌وشا هه‌رێما كوردستانێ هاته‌ به‌حسكرن.

تيما وه‌زارى يا پارتى ديمۆكراتى كوردستان هه‌ر ئه‌ڤرۆ سه‌ره‌دانا مه‌كته‌با سياسى يا یه‌كگرتوويا ئيسلامى ل هه‌ولێرێ كر و ل گه‌ل سه‌لاحه‌دين به‌هائه‌دين ئه‌ميندارێ گشتى يێ یه‌كگرتوو و ئه‌ندامێن مه‌كته‌با سياسى يا وێ حزبێ كۆمبوو.

خه‌ليل ئيبراهيم كارگێرێ جڤاتا جێبه‌جێكرنێ يا یه‌كگرتوو پشتى كۆمبوونێ د پرێس كۆنفرانسه‌كێ دا دياركر؛ نابيت رێ بهێته‌ دان درز دناڤ لايه‌نێن سياسى يێن هه‌رێما كوردستانێ دا دروست ببيت چونكى ره‌وشا سياسى و ئه‌منى يا هه‌ستياره‌.

دوهى شه‌مبيێ ژى، تيما وه‌زارى يا پارتى سه‌ره‌دانا هه‌ر ئێك ژ حزبا شيوعى و حزبا زه‌حمه‌تكێشان كربوو.

حه‌فتیا بۆرى جڤاتا وه‌زیرێن هه‌رێما كوردستانێ كۆم ببوو، قوباد تاله‌بانى جێگرێ سه‌رۆكوه‌زیرێ هه‌رێما كوردستانێ ل گه‌ل هنده‌ك ژ وه‌زیرێن ئێكه‌تیێ به‌رهه‌ڤى كۆمبوونێ نه‌بوون، تا نوكه‌ ژى ب فه‌رمى ئێكه‌تیێ هه‌لوه‌ستێ خۆ ل دۆر وێ كۆمبوونێ دیار نه‌كریه‌، پشتى ڤێ چه‌ندێ تيما وه‌زارى يا پارتى بڕيار دا ژماره‌يه‌كا كۆمبوونان ل گه‌ل لايه‌نێن سياسى ده‌ستپێبكه‌ت.

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi