شوبات 08, 2023

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

نێچیرڤان بارزانی پێشوازی له‌ شاندێكی فه‌ره‌نسی كرد

نێچیرڤان بارزانی پێشوازی له‌ شاندێكی فه‌ره‌نسی كرد

K24 – هه‌ولێر:

سه‌رۆكى هه‌رێمى ‏كوردستان، پێشوازى له‌ كريستيان كامبۆن، سه‌رۆكى لیژنه‌ی ‏په‌يوه‌ندييه‌كانى ده‌ره‌وه‌ و به‌رگرى و هێزه‌ چه‌كداره‌كان له‌ ئه‌نجومه‌نى پيران ‏‏(سێنات)ى فه‌ره‌نسا و شاندێكى ياوه‌رى كرد.

ئه‌مڕۆ یه‌كشه‌ممه‌ (2ی تشرینی یه‌كه‌م/ئۆكتۆبه‌ری 2022)، نێچیرڤان بارزانی، سه‌رۆكی هه‌رێمی كوردستان، له‌میانی پێشوازیكردن له‌ شانده‌ فه‌ره‌نسییه‌كه‌، تاوتوێی په‌يوه‌ندييه‌كانى هه‌رێمى كوردستان و عێراق له‌گه‌ڵ فه‌ره‌نسا و ‏چۆنيه‌تيى بره‌ودان به‌ هاريكاريى هاوبه‌شى نێوان هه‌ردوولا كرد.

له‌ دیداره‌كه‌دا، سه‌رۆكی هه‌رێمی كوردستان سوپاس و پێزانينى هه‌رێمى كوردستانى بۆ پشتگيريى ‏سياسى، سه‌ربازى و مرۆييى فه‌ره‌نسا دووپات كرده‌وه‌ و به‌تايبه‌تى ئاماژه‌ى به‌ ڕۆڵى ‏سه‌رۆك ئيمانوێل ماكرۆن و هه‌وڵه‌كانى بۆ ئارامى و سه‌قامگيرى له‌ عێراق و ناوچه‌كه‌ ‏به‌گشتى كرد.‏

له‌ به‌شێكی دیكه‌ی دیداره‌كه‌، ‏باس له‌ كێشه‌كانى هه‌ولێر ـ به‌غدا، مه‌ترسييه‌كانى داعش له‌ عێراق و سووريا و ئاله‌نگارییه‌كانی دۆخى ‏سياسى عێراق، كرا.

نێچیرڤان بارزانی، داوای له‌ شانده‌كه‌ كرد له‌ هاوكاریكردنی هه‌رێمى كوردستان و عێراق ‏به‌رده‌وامبن، بۆ چاره‌سه‌ركردنى كێشه‌كانيان و جه‌ختى له‌وه‌ كرده‌وه‌ كه‌ به‌بێ ‏چاره‌سه‌ركردنى كێشه‌كانى هه‌ولێر ـ به‌غدا، سه‌قامگيریی سياسى له‌ عێراق نايه‌ته‌ ‏ئاراوه‌ و به‌ كليلى ئارامى و سه‌قامگيريى ‏عێراق له‌ قه‌ڵه‌مدا.‏

له‌لایه‌ن خۆیه‌وه‌ سه‌رۆكى لیژنه‌ی ‏په‌يوه‌ندييه‌كانى ده‌ره‌وه‌ و به‌رگرى و هێزه‌ چه‌كداره‌كان له‌ ئه‌نجومه‌نى پيرانى فه‌ره‌نسا ، وێڕاى دووپاتكردنه‌وه‌ى به‌رده‌وامى پشتگيرى وڵاته‌كه‌ی ‏بۆ هه‌رێمى كوردستان و گه‌ياندنى سڵاوى ئیمانوێل ماكرۆن و سه‌رۆكى سێناتى ‏فه‌ره‌نسا به‌ نێچيرڤان بارزانى، ئاماده‌يى فه‌ره‌نساى بۆ يارمه‌تيدانى ‏عێراق و هه‌رێمى كوردستان بۆ چاره‌سه‌كردنى كێشه‌كانيان و گێڕانه‌وه‌ى ‏سه‌قامگيرى نيشاندا.‏

هه‌روه‌ها په‌يوه‌ندييه‌كانى عێراق و هه‌رێمى كوردستان له‌گه‌ڵ وڵاتانى دراوسێ، ‏به‌ره‌نگاربوونه‌وه‌ى هه‌ڕه‌شه‌كانى داعش، ره‌وشى ئێزدى و كريستيان و پێكهاته‌كان ‏له‌ هه‌رێمى كوردستان، ته‌وه‌رێكى ديكه‌ى ديداره‌كه‌ بوو.

س.س

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi