لوتكه: چ كۆچبه‌رێن كورد د به‌له‌ما نقۆمبوويى یا يونانێ دا نينن
گاڤ نيوز
ده‌زگه‌هێ لوتكه يێ كاروبارێن په‌نابه‌ران راگه‌هاند: چ كۆچبه‌رێن كورد يان ئيراقى د وێ به‌له‌ما ل 10ى ڤێ هه‌يڤێ ل كنارێن يونانێ نقۆمبوويى، نينن.
ده‌زگه‌هێ لوتكه راگه‌هاند؛ چ به‌لگه نينن بسه‌لمينن كو كۆچبه‌رێن ئيراقى و كورد د ناڤ وێ به‌له‌ما ل كنارێن يونانێ ل 10ى ڤێ هه‌يڤێ ل نزيك گزيرته‌يا كارپاتۆسى نقۆمبووى دا هه‌بن.
ديار ژى كر؛ دناڤ كۆچبه‌رێن هاتينه رزگاركرن ژى دا، چ كۆچبه‌رێن كورد و ئيراقى نينن.
خۆيا ژى كر؛ ئه‌و كۆچبه‌رێن ب نه‌ياسايى كۆچ دكه‌ن و ژ لايێ پۆليسێن سه‌ر سنووران ڤه دهێنه ده‌سته‌سه‌ركرن، ژ لايێ ده‌ستهه‌لاتێن يونانێ ڤه دهێنه كه‌ره‌نتينه‌كرن و پتريا جاران رێك پێ ناهێته دان په‌يوه‌نديێن ته‌له‌فۆنى بكاربينن.
