ئازار 28, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

رێكخراوه‌كا ئورۆپى : 10 هزار ئاواره‌یێن عیراقى دبێ ناسنامه‌نه‌

رێكخراوه‌كا ئورۆپى : 10 هزار ئاواره‌یێن عیراقى دبێ ناسنامه‌نه‌
خانى نيوز:

رێكخراوه‌كا ئورۆپى یا تایبه‌ت ب مافێن مرۆڤان ئاشكراكر، زێده‌تر ژ 10 هزار ئاواره‌یێن عیراقى دبێ ناسنامه‌نه‌ و داخواز ژ حكومه‌تا عیراقێ كر ناسنامه‌یان پێ بده‌ت داكوه ژ ماف و خزمه‌تگوزارییان بێ به‌هر نه‌بن.
رێكخراوا چاڤدێرییا مافێن مرۆڤان یا سه‌ر ده‌ریایا ناڤه‌راست ( یورۆ مێد مۆنیتۆر ) كو رێكخراوه‌كا ئورۆپییه‌ و تایبه‌ته‌ ب چاڤدێریكرنا ره‌وش و مافێن مرۆڤان ل وه‌لاتێن رۆژهه‌لاتا ناڤین، دبه‌یاننامه‌یه‌كێ دا داخواز ژ حكومه‌تا عیراقێ كر، ب زووترین ده‌م ناسنامه‌یان ب هه‌موو وان ئاواره‌یێن عیراقێ بده‌ت یێن كو ل سالا 2014ێ ژ ژ تیرۆرستێن داعشێ ره‌ڤین، و هه‌موو به‌لگه‌نامه‌یێن وان به‌رزه‌بووین و ماینه‌ بێ ناسنامه‌.
دراگه‌هاندنا وێ رێكخراوا ئورۆپى دا هاتییه‌، ژماره‌یا ئه‌وان ئاواره‌یێن عیراقى یێن ماینه‌ بێ ناسنامه‌ نێزیكى 10 هزار كه‌سایه‌، ئاشكرا ژى كر، سه‌ربارى كو ئاواره‌ ژبه‌رنه‌بوونا ناسنامه‌یان ئه‌و دره‌وشا خرابدا دژیان، لێ هنده‌ك جاران مفادارێن هاریكارییێن مرۆڤایه‌تییێ ژى بوون.
رێكخراوا ئورۆپى داخوازێ ژ حكومه‌تا عیراقێ دكه‌ت، بزاڤێن خوه‌ بۆ ڤه‌گه‌راندنا ئاواره‌یێن عیراقى خۆرتر لێبكه‌ت و دووماهییێ ب نه‌هامه‌تییان بینیت و ئارامى و خزمه‌تگوزارییان بۆ دابین بكه‌ت.

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi