نێچیرڤان بارزانى: نه‌ئارامیێ و شه‌ڕى ل ئیراقێ كێشه بۆ هه‌موو ناوچێ دروست كرینه
گاڤ نیوز
سه‌رۆكێ هه‌رێما كوردستانێ راگه‌هاند، ئه‌گه‌ر ده‌ستهه‌لاتدارێن ئیراقێ چاره‌یه‌كا گونجاى بۆ پرسا كوردى هه‌با ئه‌ڤ قه‌یرانه هه‌موو دروست نه‌دبوون.
ئه‌ڤرۆ ل هه‌ولێرێ نێچیرڤان بارزانى، سه‌رۆكێ هه‌رێما كوردستانێ گۆتاره‌ك د كۆنفرانسێ ئاشتى ب رێكا میانڕه‌ویێ دا پێشكێش كر و گۆت: ئه‌گه‌ر ده‌ستهه‌لاتدارێن ئیراقێ چاره‌یه‌كا گونجاى بۆ پرسا كوردى هه‌با ئه‌ڤ قه‌یراننه هه‌موو دروست نه‌دبوون.
هه‌روه‌سا دیاركر ژى، نه‌ئارامیێ و شه‌ڕى ل ئیراقێ كێشه بۆ هه‌موو ناوچێ دروست كرینه و هه‌ر ژ ده‌ستپێكا دروستبوونا ده‌وله‌تا ئیراقێ سته‌م ل كوردستانێ هاتیه كرن و خواست ئێدى هه‌موو ئالیه‌ك ئاشتیێ ب پارێزیت گۆت: ئه‌گه‌ر ده‌ستهه‌لاتدارێن ئیراقێ مامه‌له‌یه‌كا دورست ل گه‌ل كوردان كربا ئه‌و هه‌موو كاره‌سات ب سه‌ر گه‌لێ ئیراقێ دا نه‌دهاتن.
سه‌رۆكێ هه‌رێما كوردستانێ ئاشكراكرن ئه‌وا د پرۆسه‌یا سیاسى یا ئیراقێ دا دهێته دیتن نه‌بوونا میانڕه‌ویێ یه و بۆ ده‌ربازبوون ژ داخستنا سیاسى دڤێت هه‌موى ئالیێن ئیراقى ڤه‌گه‌ڕنه دانوستاندنان.
نێچیرڤان بارزانى ب هویرى به‌حس ل ئاشتیێ كر و خویاكر، پێكهاتێن ئیراقێ بتنێ ب رێكا لێبۆرینێ دشێن ب ئاشتى ل گه‌ل ئێك بژین و ئاشتیێ ئه‌م هه‌موى پێكڤه‌پاراستینه و پێدڤیه ب پارێزین و پاراستنا ئاشتیێ ل ناوچێ ئه‌ركێ كۆمه‌لگه‌ها نێڤده‌وله‌تى ژى یه.
