هوشيار زێبارى: ئه‌ڤ ره‌وشه ژ به‌ر ره‌تكرنا ئيستیحقاقا هه‌لبژارتنان په‌يدابوويه
گاڤ نيوز
سه‌ركرده‌يه‌كێ پارتى ديمۆكراتى كوردستان ئه‌ڤرۆ رۆژا دوشه‌مبيێ راگه‌هاند كو ئيراق د ئاسته‌نگه‌كا سياسى و ئه‌منى يا مه‌ترسيدار دايه.
هوشيار زێبارى د تويته‌كێ دا راگه‌هاند: ئيراق د ئاسته‌نگه‌كا سياسى و ئه‌منى دايه و هه‌ر سێ سه‌رۆكايه‌تى نه‌شياينه وێ ئاسته‌نگێ دويربێخن.
ديار ژى كر: ئه‌ڤ ره‌وشه ژ به‌ر به‌رژه‌وه‌نديان و ره‌تكرنا ئيستحقاقا هه‌لبژارتنان په‌يدابوويه.
گۆت ژى “ده‌ستهه‌لاتا دادوه‌رى به‌ره‌ڤ ده‌ركرنا بڕيارێن تاگير چوويه و وه‌لاتيێ ئيراقێ ژ روويێن ئه‌منى و ئابوورى ڤه يێ زه‌ره‌مه‌نده”.
زێده ژى كر: ئه‌و مه‌ترسيا ره‌وشێ نوزانن، پێدڤيه پێداچوونه‌ك ژ لايێ هه‌ميان ڤه بهێته كرن.
نزيكى حه‌فت هه‌يڤان ل سه‌ر هه‌لبژارتێن به‌روه‌خت يێن جڤاتا نوينه‌رێن ئيراقێ ده‌رباز بووينه و ژبه‌ر نه‌لێكيێن سياسى تا نوكه روينشتنا هه‌لبژارتنا سه‌رۆككۆمارى نه‌هاتيه گرێدان و حكومه‌تا نوى نه‌هاتيه پێكئينان.
