جڤاتا ئاسایشا هه‌رێما كوردستانێ: چ كه‌سه‌ك ژبه‌ر ئاریشێن سیاسى و ئازادییا كه‌سى نه‌چارنه‌بوویه گه‌شتێ بكه‌ت
خانى نيوز:
ئه‌ڤه ده‌مه‌كه كۆچكرن بۆ وه‌لاتێن رۆژ ئاڤا سه‌رهلدیه كو كومه‌ك ژ وه‌لاتیێن هه‌رێما كوردستانێ بۆ وه‌رگرتنا مافێ په‌نابه‌ریێ به‌ره‌ڤ بیلاروسیا چوویه ب وێ هیڤیێ بشێن مافێ په‌نابه‌ریێ ل وه‌لاتین رۆژ ئاڤا وه‌ربگرن.
پشكه‌ك ژ وان وه‌لاتییان ژلایێ په‌كه‌كێ و كومه‌كا قاچاخچییان و هنده‌ك كومپانیێن گه‌شتوگۆزارى و هنده‌ك بازرگانێن سیاسى ئیستغلال كرینه كو به‌هانێن جودا جودا به‌رامبه‌ر وان و تومه‌تكرنا هه‌رێما كوردستانێ بۆ هندێ دوسه‌یا وه‌رگرتنێ ل وان وه‌لاتان ب هێزتر بكه‌ن.
هه‌رێما كوردستانێ بوویه پێگه‌هه‌كا ئارام بۆ پێكڤه‌ژیان و ئازادیا كه‌سی ژبه‌ر ڤێ چه‌ندێ ژماره‌كا زۆر ژ خه‌لكێ بیانى و وه‌لاتێن ده‌وروبه‌ر و ده‌ڤه‌رێن دى ل عێراقێ مفا ژ سه‌قاییێ ئارامێ هه‌رێما كوردستانێ وه‌رگرتییه بۆ جهێ ئاكنجیبوونا وان و هه‌وارا خوه بۆ ئینایه، هه‌روه‌سا ل ژلایێ ده‌رفتانڤه بۆ باشكرنا ژیانێ، هه‌رێما كوردستانێ به‌رپێشڤه‌چوونه‌كا باش ب خوه‌ڤه گرتییه و بوویه جهێ سه‌ره‌دانا خه‌لكێ ده‌رڤه‌یا هه‌رێمێ و هوسا ده‌رفه‌تا بده‌سڤه‌ئینانا كارى زێده‌رتر نیشان دایه و خه‌لكێ هه‌رێما كوردستانێ ژى مفاداره ژڤێ پێشڤه‌چوونێ.
ئه‌و وه‌لاتیێن نوكه ل وه‌لاتێ بیلاروسیا ئاسێ ماین پاره‌كێ زۆر مه‌زاختییه و برێكا ئاسایى و گه‌شته‌كا ئاسایى گه‌شتكرییه بۆ گه‌هشتنا وى وه‌لاتى پاشان ژ وى وه‌لاتى بۆ وه‌لاته‌كێ دى، هه‌روه‌سا چ كه‌سا ل هه‌رێما كوردستانێ ژبه‌ر كێشا سیاسى و ئازادیا كه‌سى گه‌شت نه‌كرییه و ئه‌گه‌ر ئازادیا تاكه كه‌سى نه‌بایه نه‌دشیان ب رێكه‌كا ئاسایى برێكا فروكخانه و ده‌رگه‌هێن سنورى گه‌شتێ بكه‌ن .
ئه‌م پشته‌ڤانیێ ل مافێن یاسایى و دستوریێن هه‌ر مرۆڤه‌كى دكه‌ین بۆ گه‌شتكرنێ، به‌لێ سه‌رجه‌م گونه‌هبارى و ئازراندنا به‌رامبه‌ر هه‌رێما كوردستانێ دهێته كرن ژبه‌ر هندێ یه داكو مافێ په‌نابه‌ریێ وه‌رگرن، داخوازێ دكه‌ین ژلایێ مرۆڤى ڤه ره‌وشا وى خه‌لكى به‌رچاڤ بهێته وه‌رگرتن یێن كو ل سه‌ر سنورى ماینه ئاسێ داكو وه‌لاتیێن مه نه‌بنه قوربانیێن كێشێن ده‌وله‌تى و كه‌س ژى بازرگانییا وى بابه‌تى نه‌كه‌ت.
جڤاتا ئاساییشا هه‌رێما كوردستانێ
14-11 2021
تُتاح هذه الصورة أيضا في: کوردی
