حکومەتا هەرێمێ دێ زیانڤێکەفتیێن لەهیان قەرەبۆ کەت
گاڤ نیوز
سەرۆکێ حکومەتا هەرێما کوردستانێ سەرەدانا زیانڤێکەفتیێن لەهیان کر و راگەهاند: حکومەتا هەرێمێ دێ هاریکاریا وان کەت.
دوهی رپژا شەمبی 30-10-2021 ل باژێڕێ زێڕین، گوندێ کۆری و چەندین دەڤەرێن دی یێن هەولێرێ ژ ئەگەرێ بارینا رێژەیەکا زۆر یا بارانی، لەهی دروست ببوون و لەهیان زیان گەهاندبوونە چەندین وەلاتیان.
ئەڤرۆ رۆژا ئێكشەمبی 31-10-2021 مەسروور بارزانی، سەرۆکێ حکومەتا هەرێما کوردستانێ و ئومێد خۆشناو، پارێزگارێ هەولێرێ و چەندین بەرپرسێن دی یێن حکومی سەرەدانا باژێڕێ زێڕین و گوندێ کۆری کر و راگەهاند: حکومەتا هەرێما کوردستانێ هەمی هاریکاریێن پێدڤی دێ گەهینیتە زیانڤێکەفتیان و ل گۆرەی شیانێن خۆ دێ وان قەرەبۆ کەن.
سەرۆکوەزیر مەسروور بارزانی هەروەسا گۆت: کارێ سازیێن پەیوەندیدار ل دەمێ لەهیان کری، جهێ دەستخۆشیێ یە و پێدڤیە بەرپرس و کارمەندێن حکومی هەمی دەمان خزمەتکارێن وەلاتیان بن.
تُتاح هذه الصورة أيضا في: کوردی
