تشرینی یه‌كه‌م 19, 2021

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

38 چه‌كدارێن داعش ل رۆژئاڤايێ كه‌ركووكێ هاتنه‌ كوشتن

38 چه‌كدارێن داعش ل رۆژئاڤايێ كه‌ركووكێ هاتنه‌ كوشتن 

K24 – هه‌ولێر:kamal

ئه‌مڕۆ له‌ رۆژئاوای شاری كه‌ركووك “38” چه‌كداری داعش له‌ لایه‌ن فڕۆكه‌كانی هاوپه‌یمانی نێوده‌وڵه‌تی به‌ سه‌رۆكایه‌تی ئه‌مریكا كرانه‌ ئامانج و كوژران.

له‌وباره‌یه‌وه‌ دكتۆر كه‌مال كه‌ركووكی به‌رپرسی میحوه‌ری رۆژئاوای كه‌ركووك رایگه‌یاند” ئه‌و 38 چه‌كداره‌ی داعش له‌ نزیك قه‌زای دوبز له‌ رۆژئاوای شاری كه‌ركووك له‌ لایه‌ن فڕۆكه‌كانی هاوپه‌یمانی نێوده‌وڵه‌تی دژی داعش بۆردوومان كراون و كوژراون.

فه‌رمانده‌ی میحوه‌ری رۆژئاوای كه‌ركووك ئه‌وه‌شی راگه‌یاند،بۆردوومانی ئه‌و چه‌كدارانه‌ی داعش به‌ شێوه‌یه‌كی ورد و ئامانجدار بووه‌ و پشتی به‌ زانیاریی وردی هه‌واڵگری به‌ستووه‌،هه‌روه‌ها جگه‌ له‌ بۆردوومانی فڕۆكه‌كانی هاوپه‌یمانان،هێزه‌كانی پێشمه‌رگه‌ش به‌ تۆپ بۆردوومانی بنكه‌ و مۆڵگه‌كانی داعشیان له‌ ناوچه‌كانی ده‌وروبه‌ری دوبز له‌ سه‌ر رێگای قه‌زای حه‌ویجه‌ كردووه‌ كه‌ 45 كیلۆمه‌تر ده‌كه‌وێته‌ رۆژئاوای شاری كه‌ركووكه‌وه‌ و به‌هۆی بۆردوومانه‌كانه‌وه‌ ئه‌و 38 چه‌كداره‌ی داعش كوژراون.

ئێواره‌ی دوێنێ له‌ لێدوانێكیدا بۆ كوردستان24، دكتۆر كه‌مال كه‌ركووكی به‌رپرسی میحوه‌ری رۆژئاوای كه‌ركووكی هێزه‌كانی پێشمه‌رگه‌ی كوردستان رایگه‌یاندبوو،زانیارییان له‌ سه‌ر جوڵه‌ و كۆبوونه‌وه‌ی ژماره‌یه‌ك چه‌كداری داعش له‌ چه‌ند شوێنێكی نزیك قه‌زای دووبز هه‌یه‌ و پلانێكیان له‌ ده‌سته‌ بۆ ئه‌وه‌ی بیانكه‌نه‌ ئامانج و بیانكوژن،بۆ ئه‌و مه‌به‌سته‌ش هه‌ماهه‌نگی له نێوان ژووری ئۆپه‌راسیۆنه‌كان و فڕۆكه‌كانی هاوپه‌یمانان كراوه‌ بۆ بۆردوومانكردنی ئه‌و مۆڵگه‌ و چه‌كدارانه‌ی داعش.

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi