ته‌مموز 15, 2019

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

پارتی و ئێكه‌تی رێككه‌فتنا پێکئینانا حکومەتێ ئیمزا كر

پارتی و ئێكه‌تی رێككه‌فتنا پێکئینانا حکومەتێ ئیمزا كر
WAAR-دهۆك:

پارتییا دیموكرات یا كوردستانێ و ئێكه‌تییا نشتیمانى رێككه‌فتنا پێكئینانا حكومه‌تێ ئیمزا كر و نێچیرڤان بارزانى راگه‌هاند؛ پشتى دانوستاندنێن درێژ و ب زه‌حمه‌ت ل گه‌ل گۆران و ئێكه‌تییێ رێككه‌فتن.
شاندا پارتى ئه‌ڤرۆ پشتى نیڤرۆ سه‌ره‌دانا مالا كوسره‌ت ره‌سوولى ل سلێمانییێ كر و پشتى رێككه‌فتنا ل سه‌ر چه‌وانییا پێكئینانا حكومه‌تێ، شاندێن پارتى و ئێكه‌تى چوونه‌ مه‌كته‌با سیاسى یا ئێكه‌تییێ و نێچیرڤان بارزانى و كوسره‌ت ره‌سوول عه‌لى رێككه‌فتنا پێكئینانا حكومه‌تێ ئیمزا كر.
د كۆنگره‌یه‌كێ رۆژنامه‌ڤانى دا نێچیرڤان بارزانى راگه‌هاند؛ پشتى دانوستاندنێن درێژ و ب زه‌حمه‌ت ل گه‌ل گۆران و ئێكه‌تییێ، نه‌خشه‌رێیا پێكئینانا حكومه‌تێ گه‌هشت ئه‌نجام.
كوسره‌ت ره‌سوول عه‌لى ژى، رێككه‌فتنا پارتى و ئێكه‌تى ب دیرۆكى ناڤكر و پیرۆزباهى ل خه‌لكێ كوردستانێ كر.
شاندا پارتی ئه‌ڤرۆ سپێدێ ب سه‌رۆكاتییا نێچیرڤان بارزانی، گه‌هشتبوو سلێمانییێ و ل گه‌ل شاندا گۆرانێ كۆمببوو و په‌یڤدارێن هه‌ردو ئالییان د كۆنگره‌یه‌كێ رۆژنامه‌ڤانى دا راگه‌هاندبوو؛ پارتى و گۆڕان پێگیرى رێككه‌فتنا خوه‌نه‌.

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2018 by Lalish Media Network .   Developed by Ayman Qaidi.