تشرینی دووه‌م 14, 2019

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

سه‌رۆك بارزانى په‌يامه‌ك به‌لاڤكر

سه‌رۆك بارزانى په‌يامه‌ك به‌لاڤكر

ئه‌ڤرۆ نيوز:

سه‌رۆك مه‌سعود بارزانى ده‌رباره‌ى هێرشێن سه‌ر رۆژئاڤايێ كوردستانێ په‌يامه‌ك به‌لاڤكر و راگه‌هاند كو به‌رده‌وامبوونا شه‌ر و ئه‌و كاودانێ مه‌ترسيدار، گه‌فه‌كا زۆر جديه‌ بۆ سه‌ر ژيانا خه‌لكى و ئاسايش و سه‌قامگێريا هه‌موو ده‌ڤه‌رێ.

ده‌قێ په‌يامێ:

ب ناڤێ خودێ مه‌زن و دلۆڤان

سه‌ره‌راى وێ چه‌ندێ د ماوێ بۆرى دا مه‌ بزاڤێن مه‌زن كرن كو شه‌ر و نه‌سه‌قامگێرى ژ گه‌لێ كورد ل سوريا دووربێخين و ئێدى نه‌هامه‌تى و كاره‌سات روو نه‌ده‌ن، به‌لێ ب مخابنى ڤه‌ د چه‌ند رۆژێن بۆرى دا، ده‌ڤه‌رێن كورد نشين ل باكوورێ سوريا تووشى په‌لاماردان و كاودانه‌كێ مه‌ترسيدار بوون.

به‌رده‌وامبوونا شه‌ر و ئه‌و كاودانێن مه‌ترسيدار، گه‌فه‌كا گه‌له‌ك جدى يه‌ ژيانا خه‌لكى و ئاسايش و سه‌قامگێريا هه‌موو ده‌ڤه‌رێ دكه‌ته‌ ئارمانج.

ل ڤێره‌ ب پێدڤى دزانم بۆ خه‌لكێ خوراگرێ كوردستانێ و لايه‌نێن سياسى رابگه‌هينم كو هه‌كه‌ ئه‌گه‌رێن ڤى شه‌رى چ تشتێ بيتت و هه‌ر لايه‌نه‌ك يێ خه‌مسار بيت يان ده‌ست د ڤان كاودانێن مه‌ترسيدار دا هه‌بيت، نها ده‌م، ده‌مێ موزايدێ نينه‌ و بۆچوونا عاتيفى و هه‌لچوونێ نينه‌. ده‌مێ وێ چه‌ندێ يه‌ كو هه‌موو لايه‌كى هه‌رچى بزاڤ و شيان هه‌نه‌ و دشيان دايه‌ بكار بينن دا كو دووماهى ب ڤى شه‌رى بينن و ئێدى خه‌لكێ بێ تاوان باجا ڤى كاودانێ مه‌ترسيدار نه‌ده‌ن و رێ ل گوهۆڕينا ديموگرافيا ده‌ڤه‌رێ بگێرن.

مسعود بارزانی

12ـی 10ـی 2019

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2018 by Lalish Media Network .   Developed by Ayman Qaidi.